foto: vıdeodan alynǵan kadr
Kúdikti 2021 jyldyń naýryz aıynda jeke tulǵaǵa qarsy aýyr qylmys jasaǵan.
«Kúdikti Qostanaı qalasyndaǵy jábirlenýshiniń páterinde alkogol iship, arada janjal týyndaǵan. Er adam jábirlenýshiniń basy men denesine kóptegen soqqy jasaǵan. Saldarynan jábirlenýshi kóz jumǵan. Jaýaptylyqtan qutylǵysy kelgen kúdikti qashyp úlgergen, sol sebepti ol halyqaralyq izdeýge jarııalanǵan», delingen habarlamada.
Kúdikti izdeýde júrgende Reseı aýmaǵynda qaraqshylyq shabýyl jasap, Reseı sotymen sottalǵan.
Kórshi memlekette jazasyn ótegennen keıin Qazaqstan Respýblıkasy Bas prokýratýrasynyń suraýy boıynsha otanyna ekstradısııalanyp, qazirgi ýaqytta tergeý ızolıatoryna qamaldy.
Jábirlenýshiniń ólimine sebep bolǵan aýyr dene jaraqatyn keltirgeni úshin oǵan 8 jyldan 12 jylǵa deıin bas bostandyǵynan aıyrý jazasy qarastyrylǵan.
