Foto: Polisia.kz.
Adamdardy aldaý úshin qylmyskerlerdiń belgili bir elde bolýy mindetti emes. Sim-box qurylǵylarynyń bolýy jetkilikti, olar – jergilikti uıaly baılanys operatorlarynyń ınternet–trafıgin qoldana otyryp, jalǵan nómirlermen baılanys ornatýǵa múmkindik beredi.
Jańa jyl qarsańynda IIM kıberqylmysqa qarsy is-qımyl departamentiniń úılestirýimen Almaty PD polısııa qyzmetkerleri jaldamaly páterde sim-box qurylǵysynyń úzdiksiz jumysyn qamtamasyz etken 25 jastaǵy eki jigitti ustady.
Páterdi tintý kezinde árqaısysy 32 slottyq tórt sim-box qurylǵysyn jáne otandyq uıaly baılanys operatorlarynyń 190 sim-kartasyn, birneshe telefondy, noýtbýktardy tárkiledi.
Tergeý amaldary júrgizilip jatyr. Ustalǵandarǵa qatysty «qamaýda ustaý» bultartpaý sharasy tańdaldy.
