Bul iri joba qan júıesi men kardıo-tamyr júıesi aýrýlaryn dıagnostıkalaý men emdeýdiń joǵary deńgeıine shyǵarýǵa arnalǵan. Sondaı-aq eldegi medısınalyq kómektiń sapasyn edáýir arttyrýǵa múmkindik beredi.
«Ortalyq «Amanat» partııasynyń saılaýaldy baǵdarlamasy aıasynda salynyp jatyr. Osy jyldyń sońyna deıin nysan qoldanysqa beriledi dep josparlanyp otyr. Qurylys jumystarynyń ýaqtyly ári sapaly oryndalýy partııanyń tikeleı baqylaýynda bolady. Budan bólek, byltyr biz medısına qyzmetkerleriniń kásiptik jaýapkershiligin saqtandyrý týraly zań qabyldadyq. Bul zań dárigerlermen birge ázirlendi jáne olardyń múddesin qorǵaýǵa baǵyttalǵan. Osy baǵyttaǵy jumysty biz ári qaraı jalǵastyra beremiz», dedi E.Saırov.
Nysan birneshe korpýsty qamtıdy. Bas ǵımaratta hımıoterapııa kúndizgi stasıonar, balalar stasıonary, somatıka, eresekter gematologııasy, kardıologııa jáne kardıohırýrgııa, sondaı-aq súıek kemigin transplantasııalaý bólimsheleri ornalasady. Sonymen qatar konsýltasııalyq-dıagnostıkalyq bólimshe de jumys isteıtin bolady. Barlyq qurylys-montaj jumystary kestege sáıkes júrgizilip jatyr.
«Qazirgi ýaqyta qurylystyń ishki jumystary júrgizilip jatyr. Tıisti qural jabdyqtar da satyp alynyp jatyr. Bekitilgen merzimde nysannyń qurylysyn aıaqtap, qoldanysqa berý qajet. Aıta ketý kerek, bul nysant shetelden qaıtarylǵan aktıvterdiń esebinen salynyp jatyr. Endigi kezekte qurylys sapasyna baqylaý kúsheıtilip, barlyq jumys belgilengen standarttarǵa saı júrgizilýi tıis. Nysannyń ýaqtyly iske qosylýy óńir turǵyndarynyń ómir súrý jaǵdaıy men aımaqtyń damýyna eleýli úles qospaq», dedi U.Tumashınov.
Jobanyń jalpy quny – 71,3 mlrd teńge. Qurylys bastalǵaly beri 37,7 mlrd teńge ıgerildi. Qazirgi ýaqytta qurylys jumystarynyń 78 paıyzy oryndalǵan.
