Úkimet • 06 Qańtar, 2025

Premer-mınıstr Túrkistan oblysynyń jańa ákimin tanystyrdy

80 ret

kórsetildi

1 mın

oqý úshin

Oljas Bektenov Prezıdent tapsyrmasy boıynsha Túrkistan oblysynyń aktıvine jańa ákimdi tanystyrdy, dep jazady Egemen.kz Úkimettiń baspasóz qyzmetine silteme jasap.

Dana MYRZAQADIR

Premer-mınıstr Túrkistan oblysynyń jańa ákimin tanystyrdy

Foto: Úkimet

Búgin Oljas Bektenov pen Prezıdent Ákimshiliginiń basshysy Aıbek Dádebaı Túrkistan oblysy máslıhatynyń jınalysyna qatysty.

Depýtattarǵa Memleket basshysynyń Túrkistan oblysynyń ákimi laýazymyna eki kandıdat usyný týraly haty oqyldy. Qaraýǵa Túrkistan oblysy ákiminiń orynbasary Nuralhan Kósherovtiń jáne Sozaq aýdanynyń ákimi Muhıt Turysbekovtiń kandıdatýralary usynyldy. Saılaý komıssııasy ashyq daýys berý qorytyndysy boıynsha 288 daýystyń 224-i Nuralhan Kósherovke berilgenin málimdedi.

Máslıhat jınalysynyń qorytyndysyna sáıkes QR Prezıdentiniń tıisti Jarlyǵymen Nuralhan Oralbaıuly Kósherov Túrkistan oblysynyń ákimi bolyp taǵaıyndaldy.

Osy jıynda Oljas Bektenov Darhan Satybaldyǵa óńirdiń damýyna qosqan úlesi úshin alǵys aıtyp, aldaǵy qyzmetine tabys tiledi.