Anarkól kóli aýyldyq okrýgtiń myńnan astam turǵynyn aýyz sýmen qamtamasyz etip otyr. О́tken ǵasyrdyń ortasynda salynǵan aýyl men kól arasyndaǵy bóget ábden eskirgen. Onyń uzyndyǵy 1300 metrdi quraıdy. Aýyl turǵyndaryn tasqyn sýdan qorǵaýǵa qaýqarsyz. Osyǵan baılanysty byltyr qaıta jańǵyrtý jumysy bastalyp, búginge deıin aınalma kanaldyń bir bóligi tazartyldy. Bóget qabyrǵasy nyǵaıtylyp, 6 metrge deıin keńeıtildi. Ondaǵan tehnıka jumyldyrylyp, qıyrshyq tas pen sazdy topyraqty qosa alǵanda, 21 myń tonnadan astam qurylys materıaly jetkizilgen.
«Memleket basshysy Qasym-Jomart Toqaev jýyrda «Ana tili» gazetine bergen suhbatynda atap ótkendeı, byltyr joıqyn sý tasqyny boldy. Zardap shekkender qatarynda Arshaly aýdany da bar. Sondyqtan aldaǵy kóktemge daıyn bolýymyz kerek. Májiliste jańa Sý kodeksiniń jobasy qaralýda. Memleket 2030 jylǵa deıin 40-tan astam jańa sý qoımasyn salý jáne el aýmaǵynda jumys istep turǵan 37 sý qoımasyn jóndeý baǵytynda jumys júrgizýde», dedi Natalıa Dementeva.
Jalpy 2025 jyly Anarkól kóli bógetiniń tómengi bóliginde 15 sý ótkizý qurylǵysyn ornatý josparlanǵan. Olar kóldiń tolýyna jáne qorǵanys bógetiniń shaıylyp ketýine jol bermeıdi. Jumys «AMANAT» partııasynyń saılaýaldy baǵdarlamasy aıasynda júrgizilip jatyr jáne partııanyń erekshe baqylaýynda.
Depýtat odan ári azamattardy jeke máseleleri boıynsha qabyldady.
