Ádil qoǵam qurý – basty ustanym

Negizi suhbatta kúrdeli jáne ótkir máseleler kóterildi. Olarǵa Prezıdent tarapynan barynsha ashyq jaýap berilip, syrt aınalyp ketken nemese bultaryp qalǵan taqyryp bolmady. Sonymen qatar keıingi kezde el aýzynda júrgen, keıde jaǵdaıdy ýshyqtyrýǵa tyrysatyn qaýesetterge de toqta­lyp, kúdikti jáıtterdi seıilte bildi.

О́tken jylǵa baǵa berip qana qoımaı, memlekettik saıa­sat­tyń kóptegen aspektisine, sonyń ishinde sıfrlandyrý, kásipkerlikti damytý, sybaılas jemqorlyq pen uıymdas­qan qyl­mysqa qarsy kúres, sy­baı­las jemqorlyqqa qarsy kú­­res máselelerine tereń mán ber­­di. Til saıasaty jáne jas­tar, son­daı-aq elimizdiń jahan­dyq derjavalarmen jáne halyq­aralyq uıymdarmen baılanys­tary týraly ashyq aıtyldy.

Usynylyp otyrǵan refor­malar saıası toqyraýdy bol­dyr­­maı, eldiń turaqty áleý­met­­tik-ekonomıkalyq damýyn qam­tamasyz etetini anyq. Bul Prezıdenttiń elimizde bolyp jatqan oqıǵalar men fak­tilerden jáne atqary­lyp jatqan sharalardan habar­darlyǵyn, halyqpen birge eke­nin, bárine zer salyp, baqylap otyratynyn, eń bastysy halyq­pen ashyq dıalogte ekenin taǵy da dáleldedi.

Jalpy, biz qoǵam jaı sóz­den, ósek-aıańnan, qur sózden aýlaq bolýymyz kerek. Is­tiń, tirliktiń adamy bolý­dyń ýa­qyty keldi  dep esepteımiz. Memleketshil bolý, patrıot bolý degen uran­datý emes, bul – árkim óz isin adal atqarý, memleketke, qoǵam­ǵa adal qyzmet etý.

Ádiletti, ádil memleket qu­rýdy basty ustanymǵa aınaldyrý qajet. Bul úshin eń aldymen zańdylyq jumys isteýge tıis. Osy týraly Prezıdent áýel bastan aıtyp keledi.

Qazir depýtattar óńir­lerde halyqpen kezdesýler ótkizip jatyr. Kezdesýlerde Prezıdenttiń saıasatyn, qabyl­danyp jat­qan zańdardy túsin­dirý jumys­ta­ry júrgiziledi. Osy kez­de­sýler barysynda Prezı­dent­tiń «Ana tili» basyly­my­na bergen suhbaty da qyzý tal­qy­landy. Bul kezdesýlerde jer­­gilikti turǵyndar Meleket bas­­shysynyń saıasatyn, refor­ma­laryn, bastamalaryn qol­daı­­tynyn jetkizip jatyr. Ási­re­se jergilikti atqarýshy organ­dardyń reformalaryna kóńili tolatynyn, olardyń baǵy­tyn durys dep esepteıtinin baıqaýǵa bolady. О́ńirdi bile­tin azamattardyń qyzmetke ta­ǵaıyndalýy, memlekettik organ­dardy basqartýǵa deıin kóterilýi oń bastama retinde qabyldandy.

Memleket basshysy suh­ba­tynda Parlament depýtat­tarynyń atqaryp jatqan ju­mysy men qosyp jatqan úlesin oń baǵa­laıtynyn aıtty. Bul jalpy Parlamenttiń Prezıdent júrgizip otyrǵan reformalary men bastamalaryn zańnamalyq turǵydan qamtamasyz etýdegi berilgen baǵasy ekeni anyq. Búgingi Par­lament ıdeıalar, ozyq oılar, túrli pikirler men kózqarastar tal­qy­laıtyn, ortaq sheshim qabyl­­daıtyn alańǵa aınalyp otyr.

Búginde Qazaq­stannyń damýynda mańyzdy qadamdar jasa­lyp, eldiń ishki jáne syrt­qy saıası baǵyty durys jol­da ekenin kórýge bolady. Infra­qurylymnyń damýy men áleýmettik-ekono­mıka­lyq bas­tamalar jáne saıası jańǵy­rý halyqtyń ómir sapasyn jaq­sartýǵa baǵyttalǵan.

Álı BEKTAEV,

Senat depýtaty