Sýretti túsirgen – Valerıı Býgaev
Qoǵamdyq kólikter jaqyn kúnderi «Taksomotor» JShS qyzmet kórsetetin 003 baǵyty boıynsha qala kóshelerine shyǵyp, qozǵalys aralyǵy 10 mınýttan 8 mınýtqa deıin qysqarady dep kútilip otyr. 57 oryndyq jańa avtobýstar múmkindigi shekteýli jandardyń minip-túsýi úshin jınalmaly apparelmen jabdyqtalǵan. Jolaýshylarǵa yńǵaıly bolý úshin salqyndatqysh, gadjetterdi qosýǵa arnalǵan USB-porttar bar, sondaı-aq salonǵa 7 beınekamera ornatylǵan.
Merekege oraı «Ertis» fýtbol klýbyna jaıly avtobýs syıǵa tartyldy. Oǵan «№1 avtobýs parki» JShS demeýshilik kórsetken. 43 jolaýshyǵa arnalǵan «Yutong» markaly avtobýstyń shalqaımaly oryndyqtary jáne aıaqqa arnalǵan jastyqtary bar.
«Keler jyly «Ertis» fýtbol klýbyna 60 jyl tolady. Aty ańyzǵa aınalǵan komandanyń mereıtoıy qarsańynda bul laıyqty syılyq. Bizdiń dańqty klýbty jandandyrýǵa kómektesken, súıikti komandamyzǵa áli de qoldaý kórsetip jatqan jandarǵa alǵysymdy aıtamyn», dep atap ótti óńir basshysy Asaıyn Baıhanov.
Byltyr bizdiń oıynshylar ekinshi lıganyń chempıony atanyp, maýsymdy birinshi lıgaǵa shyǵýmen aıaqtaǵany maqtanýǵa turarlyq. Endigi mindet – Premer-lıgaǵa oralý.
PAVLODAR
