Foto: gov.kz
Álemdegi eń aýqymdy stýdenttik sporttyq dodada Qazaqstannyń memlekettik týyn frıstaılshy Aıaýlym Ámrenova men hokkeıshi Abylaıhan Súleımenov alyp shyǵady.
Aıaýlym Ámrenova – frıstaıl boıynsha ulttyq quramanyń úzdik sportshylarynyń biri. Onyń qorjynynda 2017 jylǵy Eýropa kýbogy kezeńderiniń altyn, kúmis jáne qola medaldary bar. Sondaı-aq ol Qazaqstan atynan 2018 jyly Phıonchhanda jáne 2022 jyly Beıjińde ótken eki Olımpıada oıyndaryna qatysqan.
Abylaıhan Súleımenov – otandyq hokkeıdiń jarqyn juldyzy, «Nomad» komandasynyń oıynshysy. Ol jastar lıgasy, tórt ulttyq týrnır, Qazaqstan kýbogy, Kontınental kýbogy, sondaı-aq, AQSh-ta ótken HHHI Dúnıejúzilik qysqy ýnıversıadaǵa qatysqan. Sol ýnıversıadada Qazaqstannyń hokkeı quramasy úshinshi oryndy ıelengen edi.
