Atmosferaǵa zııandy shyǵaryndylardy azaıtý jáne kómirden gazǵa kóshý – «AMANAT» partııasynyń saılaýaldy baǵdarlamasynyń basty tarmaqtarynyń biri.
Atap aıtqanda, Temirtaýda tabıǵı gaz 3 myńnan astam úıge qosylǵan. Aldaǵy ýaqytta taǵy shamamen 3500 turǵyn úıdi gazben qamtý josparlanyp otyr. Bul tek qala ekologııasyn jaqsartyp qana qoımaı, turǵyndardyń jylytýǵa ketetin shyǵyndaryn da azaıtady. Jalpy, 8 gaz kesheni úsh kezeńde iske qosylmaq. Búgin Májilis depýtattary qaladaǵy gazdandyrý jumystarynyń barysymen tanysty.
«Qazirgi tańda 4 gaz taratý stansııasy iske qosyldy. Josparda taǵy 4 stansııany iske qosyp, keıin abonentterdi qosý jumystary júrgiziledi. Munyń barlyǵy ekologııalyq jáne áleýmettik jaǵynan oń áserin beredi, sebebi kómirmen jylytý qıyn ári qymbat. Qazir kómirdiń tonnasy shamamen 25 myń teńge turady, al kógildir otyn odan arzan», dedi depýtat Baýyrjan Smaǵulov.
Arman Qalyqovtyń aıtýynsha, Memleket basshysy Qasym-Jomart Toqaev óziniń saılaýaldy baǵdarlamasynda turǵyndardy gazben qamtamasyz etý boıynsha naqty mindetter qoıdy. Sondaı-aq Prezıdent azamattardy «kógildir otynǵa» qosý jumystaryn jandandyrýdy birneshe ret tapsyrǵan bolatyn.
«Gazdandyrý kómir generasııasyn paıdalanýdy edáýir qysqartady, ol aýa tazalyǵyn qamtamasyz etedi. Al bul – temirtaýlyqtar jıi kóteretin máseleniń biri», dedi Arman Qalyqov.
Sonymen qatar muqtaj otbasylar úshin memlekettik qoldaý baǵdarlamasy qarastyrylǵan. Jumyspen qamtý jáne áleýmettik baǵdarlamalar bólimi arqyly gazdandyrýǵa sýbsıdııa alýǵa bolady.
Depýtattar sondaı-aq «Qarmet» metallýrgııalyq kombınatynyń gazǵa kóshý barysymen tanysty. Kásiporynda syrtqy jáne ishki gaz qubyry salynady. Jumystardyń 60 paıyzdan astamy aıaqtalǵan. Kombınat ókilderiniń aıtýynsha, óndiristi gazdandyrý jobasy kásiporynnan 25 shaqyrym qashyqtyqta ornalasqan «Saryarqa» gaz qubyryna qosylý arqyly júzege asady. Kombınattyń gazǵa kóshýi mazýtty paıdalanýdan bas tartýǵa múmkindik berip, atmosferaǵa zııandy shyǵaryndylardy kem degende 30 paıyzǵa qysqartýǵa jol ashady.
Aıta keteıik, qazirgi ýaqytta Májilis depýtattarynyń jumysynda halyqty gazben qamtamasyz etý jáne turmystyq gazdy únemdeý máseleleri boıynsha zań jobasy qaralyp jatyr. Onyń ishinde zań jobasy halyq pen zańdy tulǵalar úshin qoldanystaǵy tarıfterdi qaıta qaraýǵa múmkindik beredi.
