Sábıdiń anasy Perıs Gof áıgili brendtermen kelisimshartqa otyrǵan. Sóıtip onyń súıkimdi uly Hanter áleýmettik jelide model bolyp, mıllıoner atanypty. Alaıda brıtandyq BAQ ókilderi bul oqıǵany quptap jatqan joq. О́ıtkeni jórgektegi balanyń jumys istegeni jón emes deıdi olar. Al Hanterdiń anasy barlyq tabysty arnaıy qorǵa jınaqtap jatqanyn, bala qarjyny tek 18 jasqa tolǵannan keıin ǵana paıdalanatynyn málimdedi.
Qylmyskerden qyzmetker shyǵarady
Endi AQSh-ta sottalǵandar abaqtyda qur jatpaı IT-mamany bolýǵa múmkindik alady. Iаǵnı túrmege qylmysker bolyp túsedi, qyzmetker bolyp shyǵady.
Álemdegi jetekshi tehnıkalyq oqý oryndarynyń biri – Massachýsets tehnologııalyq ınstıtýty (MIT) tutqyndarǵa arnalǵan arnaıy IT-oqytý baǵdarlamasyn bastady. Osy júıeniń aıasynda sottalǵandar saıt jasaýdy nólden bastap úırenedi. Tipti oqýyn aıaqtaǵannan keıin MIT dıplomyna ıe bolady. Atalǵan joba qylmyskerlerdi kásibı daǵdylarmen qamtamasyz etip, bolashaqta qoǵamǵa qaıta beıimdeýdi kózdeıdi.
Neıro-áje
Osy kúni alaıaqtyq áreketter telefon arqyly jıi júzege asady. Adamdardy sendirip, bank derekterin urlaý nemese jalǵan kelisimshartqa májbúrleý sııaqty tásilder – kıbershabýyldyń keıbir mysaly ǵana. Biraq «myń asqanǵa – bir tosqan». Ulybrıtanııanyń mamandary osy bir kúrmeýi qıyn máseleni sheshetin erekshe tásil oılap tapty.
Bul tehnologııa jasandy ıntellekt negizinde qurylǵan. «Neıro-áje» telefon qońyraýy kezinde alaıaqtardyń ákki áreketin anyqtaıdy. Sosyn olardy ańqaýsyǵan qalypta aldap-arbap, nómirlerin bloktaıdy. Osylaısha, qoldanýshylardy qaýipten saqtandyrady.
