Bul másele keıin Parlament minberinen aıtyldy. Májilis depýtaty Jarqynbek Amantaıuly «Maıqaıyńaltyn» mańynda ornalasqan aýyldyń turǵyndaryna barlyq qaýipsizdik jaǵdaıyn qarastyrýdy surady. Premer-mınıstrdiń orynbasary Roman Sklıar men Bas prokýror Berik Asylovtyń atyna saýal joldady. Osylaısha, másele Úkimet deńgeıinde kóterildi.
Degenmen kópke deıin bul másele basy ashyq kúıinde qalyp keldi. Shahta mańaıyn jaǵalaı ornalasqan kóne úılerdiń, atap aıtqanda, «Shanhaı» shaǵyn aýdanynyń jurty keıingi tórt-bes jylda jer astyndaǵy dúmpýler men burǵylardyń daýsy aıqyn estile bastaǵanyna, úıleriniń irgetasy men qabyrǵalary jarylyp, úı tóbesin ustap turǵan aǵash tireýlerdiń qaqyraı túskenine áli de alańdaýly. Olardyń aıtýynsha, kenish úılerdiń astyn keýlep qazyp, ken baıytý kombınatyna qaraı jyljyp barady. Kópshilik «Bir kúni álgi avtobýs qulaǵan sııaqty jer opyrylyp, astyna túsip ketemiz be?» degen úreımen ómir súrip keledi.
Pavlodar oblysynyń ákimi Asaıyn Baıhanov jyl qorytyndysyna arnalǵan brıfıngte bul máseleni sheshýge alǵashqy qadamdar jasalyp jatqanyn habarlady. О́ńir basshysy eń áýeli shahtanyń astyna táýelsiz zertteý jumystary júrgizilgenin, sonyń nátıjesinde «Shanhaıda» ornalasqan úılerge qaýip tónip turmaǵanyna kóz jetkizilgenin baıandady.
«Qazirgi ýaqytta «Maıqaıyńaltyn» kásipornynyń aksıonerleri aýysyp, «Altynalmas» AQ jańa ınvestor bolǵany málim. «Shanhaı» jurtyna shahtadan keler qaýip joq. Degenmen olar shahtanyń dál túbinde ornalasqanyn, ári úılerdiń tozyǵy jetkenin eskere otyryp, apattyq jerde turǵandarǵa jańa úı salyp berýdi uıǵardyq. Meniń tapsyrmammen jergilikti quzyrly organdar men altyn kenishiniń jańa ınvestory birlesip egjeı-tegjeı josparlaý jobasyn bastap ketti. Ol úderis shamamen 2025 jyldyń sońyna deıin aıaqtalýy kerek. Másele kóp úıdiń qujatsyz turǵanyna baılanysty. Adamdar úıdi óz atyna rásimdemesten kóp jyl tura bergen. Qarajat máselesi sheshilip, qujattyq jobalaý aıaqtalsa, biz apattyq aımaqta turǵan 70 úıdiń turǵyndaryna baspana salýdy bastaımyz. Eger jer telimderi shekteýli bolsa, úsh nemese tórt qabatty úıler salynýy múmkin. Aldyn ala kelisimge sáıkes úılerdiń jartysy bıýdjet qarajatyna, jartysy altyn kombınatynyń qarajatyna turǵyzylady. Máseleni júıeli ári jan-jaqty oılastyryp sheshken abzal», dedi A.Baıhanov.
Jaqsy jańalyq kenish aýmaǵyn meken etken halyqty qýantty. Alaıda keıbir turǵyndar ákimniń ýádesine senimsizdik tanytyp otyrǵanyn da jasyrmaımyz. «Bul bizdiń kóńilimizdi tynyshtandyrý maqsatynda aldyn ala aıtylǵan sóz bolýy múmkin. Máseleniń sheshimi júz paıyz qabyldanǵan joq. Shahtadan 300 metr jerde turyp jatyrmyz. Jer astynda kún saıyn jaryp jatady. Jer shaıqalǵanda úıimiz birge qırap, bala-shaǵamyzben birge jer astyna túsip ketemiz be dep qorqamyz. Tóbemizden topyraq saýlaıdy, úı irgesi qaqyrap barady. Avtobýs qurdymǵa qulap ketken ýaqyttan beri janymyzdy shúberekke túıip otyrǵan jaıymyz bar. «Shanhaı» jurtyn naqty kóshiredi, jańadan úıler salynady» dep qaǵaz júzinde sheshim shyǵarylsa, kóńilimizge qýat bolar edi», deıdi Maıqaıyń turǵyny Aınash Hakim.
Májilis depýtaty Jarqynbek Amantaıuly Pavlodar oblysy basshylyǵy qabyldap otyrǵan sheshimder quptarlyq ekenin aıtady. Buǵan deıin Maıqaıyńdaǵy apatty teksergen vedomstvoaralyq komıssııa shyn máninde kenish mańaıyndaǵy úılerge qaýip tónip turmaǵanyn naqtylaǵan. «Maıqaıyńda oıyqqa túsip ketken avtobýs pen ondaǵy tórt qutqarýshynyń múrdesin qazyp alyp shyǵý operasııasy uzaqqa sozylsa da, sátti aıaqtaldy. Endigi mańyz beriletin másele – apattyq jaǵdaıda turǵan úıler. Búgin bolmasa da, taıaý jyldary qaýsap turǵan baspanalar shetinen sógilip qulaı bastaýy yqtımal. Adamdardyń amandyǵyn oılastyryp, olardy qaýipsiz aımaqqa kóshirýdi jedeldetip bastap ketýimiz kerek. Úıler óte eski ári ıeleri birneshe márte aýysqan. Soǵan oraı qujattandyrý máseleleri uzaqqa sozylýy múmkin. Bul jerde úı ıelerine qujattyq turǵydan birrettik múmkindik berilýge tıis. Kezinde Sátbaev qalasynda dál osyndaı oqıǵa bolǵan kezde qujattandyrý resimderine eki jyl ýaqyt jumsalypty. Osy isti tikeleı baqylaýynda ustap, janashyrlyq tanytyp otyrǵan óńir basshylyǵyna rızashylyǵymyzdy jetkizemiz», deıdi depýtat.
Biz óńir ákimi men «Maıqaıyńaltyn» AQ basshylyǵynyń birlesken is-qımyly nátıje ákeledi degen senimdemiz. Aıtylǵan jospar qur ýáde kúıinde qalmaı, «Shanhaı» jurtynyń máselesin sheship berse, quba qup.
Pavlodar oblysy,
Baıanaýyl aýdany,
Maıqaıyń kenti
