Foto: jj_kaz, ınstagram
Djıý-djıtsýdan «Dúnıejúzilik oıyndarǵa» bir salmaq boıynsha 6 sportshy ǵana qatysa alady, álemdik JJIF (WORLD RANKING) reıtıngindegi top-4 sportshy tikeleı joldama alsa, qalǵan 2 sportshy qosymsha qosylady.
Qazaqstannnyń djıý-djıtsý assosıasııasy úzdikter qataryna kirgen ulttyq qurama múshelerin tanystyrdy:
- Batyrbekov Nurjan / ne-vaza - 69 kg, WR-1
- Dúısenqulov Nursultan / faıtıng - 77 kg, WR-2
- Jánibek Ábý-Bákir / faıtıng -69kg, WR-3
- Bolatbek Seıilhan / ne-vaza - 77 kg, WR-4
- Qanatbekov Aslan / faıtıng - 62 kg, WR-4
Aıta ketsek, Dúnıejúzilik oıyndar – Olımpıada oıyndaryna qatyspaıtyn sporttardy qamtıtyn halyqaralyq is-shara. Ol tórt jylda bir ret, 11 kúnge sozylatyn Jazǵy Olımpıada oıyndarynan keıin bir jyldan keıin ótip turady. Jarysty Halyqaralyq Olımpıada komıtetiniń qamqorlyǵymen Dúnıejúzilik oıyndardyń halyqaralyq qaýymdastyǵy ótkizedi.
Dúbirli doda bıyl tamyz aıynyń 7-17 kúnderi Qytaıdyń Chendý qalasynda ótedi.
