Is-sharany tizgindegen jýrnalıst Názir Súleımen bul kitaptyń arqalaıtyn júgi sonshalyqty bir qandy-tragedııa bolmasa da, ár býynnyń basyna túsken salmaǵynyń osy kitapqa arqaý bolǵanyn atap ótti.
«Osynda kelgeli beri Juldyz búgin qoǵamda jyraýlardyń joqshysy bolyp, ádilettiń advokaty bolyp bárimizdiń jumysymyzdy shaýyp alyp júr. Mine, búgin kitabynyń tanystyrylymy ótip jatyr. Jalpy, kitap degenimiz ózi bir keremet qazyna ǵoı. Bul qazyna tek Juldyzdyń ǵana qazynasy emes, avtordyń basyndaǵy azyn-aýlaq táji sııaqty kórinip turǵanymen bul halyqtyń qazynasy. Sondyqtan myna kitaby halqyna ıgilikti bolsyn. Kóptiń aldynda osyndaı ǵıbratty kitap jazyp shyqqanyna ishim jylyp, kóńilim rıza bolyp qaldy», dedi alǵash sóz alǵan fılolog, 40 jyl bilim salasynda qyzmet etken ardager ustaz Pármenbek Jumabaıuly.
Atalmysh týyndy árbir qandastyń basynan ótken, bolmasa atamekenine saǵyna oralǵan azamattardyń san-qıly taǵdyryna toly. Sondaı-aq kitapta qaıshylyq eki taǵdyr sóz etilgen. Biri, ájesiniń týǵan topyraǵyna oralýy jáne ekinshi býynnyń týǵan topyraǵyn tastap atamekenge qonys aýdarǵan alýan túrli taǵdyr tarqatylyp jazylǵan.
«Keshegi kúni kitap qolyma tıgen sátte ǵana arqamnan bir úlken júk túskenin sezdim. Shynymen de jazý bólek, qolyńa qaǵazdy ustap oqý bólek eken. О́zim de oqyp shyǵyp, jazyp shyqqanyma tańqaldym jáne sol sátterdi eske alyp qaǵaz betine túsirý ońaı da, qıyn da boldy dep aıtpaımyn. Biraq oqyǵan kezde qaıtadan sol ózimniń 11 jastaǵy bala beınem kóz aldyma elestedi», deıdi kitap avtory Juldyz Jumaqan.
О́z kezeginde tanystyrylymǵa kelgen qonaqtar kitaptyń jaqsy jazylǵanyn alǵa tartyp, jınaqqa joǵary baǵa berip ótti. Atalǵan jınaq iri kitap dúkenderinde satylymǵa túsip, qyzyǵýshylyq tanytýshy oqyrman shoǵyry da qalyń bolary sózsiz.
