Qarym-qatynastar múmkindigi artyp keledi

Parlament Májilisiniń Áleýmettik-mádenı damý komıtetiniń tóraıymy Gúlnar Yqsanova bastaǵan bir top depýtat Aýǵanstan Islam Respýblıkasy Parlamenti tómengi palatasynyń (Volesı Djırga) delegasııasyn qabyldady, dep habarlady Májilistiń baspasóz qyzmeti. Delegasııa jetekshisi Aýǵanstan Parlamentiniń Áıelder men balalar isteri jónindegi komıssııa tóraǵasynyń orynbasary Shýkrııa Paıkan Ahmadı boldy. Kezdesýde negizgi áńgime Májilis uıymdastyrǵan Qazaqstan halqy ­As­sam­­­b­­leıasynyń 20 jyldyǵyna arnal­ǵan halyq­aralyq konferensııaǵa arnal­dy. Júzdesýde Qazaqstandaǵy ult­ara­lyq kelisim tájirıbesine kópultty Aýǵan­stan tarapy qyzyǵýshylyq tanytty. Sonymen birge, G.Yqsanova Máji­lis ótkizgen konferensııa oǵan qaty­sýshy­lar úshin barlyq jaǵynan paıdaly bolǵa­nyn aıtty. Jáne de Qazaqstan Prezı­denti N.Á.Nazarbaev pen bizdiń halyq beı­bit­shilikti jáne soǵan umtylǵan barlyq el­derdi qoldaıtynyn, sonyń ishinde Aýǵan­stan da bar ekenin atap ótti. Sol maqsat­qa jetý úshin eki el arasyndaǵy jan-jaqty ynty­maqtastyq, ásirese, mádenı-izgilikti baǵytty qamtıty­nyn málimdedi. Shýkrııa Paıkan Ahmadı kon­fe­­ren­sııaǵa shaqyrylǵany úshin alǵy­syn aıtyp, Aýǵanstanǵa jasalyp jatqan barlyq kómekke, ásirese, qaıyrymdylyq kómegine rızashylyq bildirdi. «Bizdiń elimizde bolǵan soǵystarda, sonyń ishinde talıbtermen soǵysta áıelder qat­ty zardap shekti. Aýǵanstan óz dos­ta­ry­nyń kómegine zárý», – dep málim­­­dedi Aýǵanstan parla­ment­shisi. Son­dyq­tan mundaı jıyndar, parla­ment­tik dıplomatııany jan­dandyrady, halyq­tardyń yntymaq­tastyǵyn arttyryp, beıbitshilik pen ósip-órkendeýge negiz qalaıdy. Parlamentaralyq máselelerdi keń aýqymda qarastyrǵan júzdesýge Má­ji­lis depýtattary Ý.Bıshimbaev pen M.Qaz­bekova jáne Aýǵanstan Islam Respýb­lıkasy Parlamenti Volesı Djırgasynyń bıýdjet boıynsha komıssııa múshesi Baz Mohammad Djaýzdjanı, Aýǵanstan Is­lam Respýblıkasynyń Qazaqstan Respýb­lıkasyndaǵy Tótenshe jáne ókiletti elshisi Mohammad Farýk Barakı  qatysty.