Foto: Vedomstvo, Telegram
Vedomstvonyń baspasóz qyzmetiniń málimetinshe sondaı-aq, 201 joba boıynsha jobalaý-smetalyq qujattama ázirlenip jatyr. Joba aıasynda 700 myń gektardan astam sýarmaly jerdi qalpyna keltirý-jaqsartý jumystary jasalady, sondaı-aq jalpy uzyndyǵy 7000 shaqyrym kanal salynyp rekonstrýksııalanady.
Sý resýrstaryn retteý, qorǵaý jáne paıdalaný komıteti tóraǵasynyń orynbasary Gúlmıra Imashevanyń aıtýynsha atalǵan jumystar Sý resýrstaryn basqarý júıesin damytýdyń 2024-2030 jyldarǵa arnalǵan tujyrymdamasyna jáne Sý salasyn damytýdyń 2024-2028 jyldarǵa arnalǵan keshendi josparyna saı júrgiziledi.
«Budan bólek, atalǵan qujattarda ónimsiz shyǵyndardy azaıtý jáne qosymsha sý kólemin jınaý boıynsha da kóptegen is-sharalar qarastyrylǵan. Mysaly, 2024 jyly Aqtóbe sý qoımasyn rekonstrýksııalaý jumystary aıaqtaldy. Túrkistan oblysyndaǵy Báıdibek-ata jáne Qaraqýys sý qoımalarynyń qurylysy, sondaı-aq Qapshaǵaı jáne Kırov sý qoımalaryn rekonstrýksııalaý bastaldy», dedi G.Imasheva.
