Ǵalymdardyń jańa zertteýi kórsetkendeı, JI quraldaryn jıi qoldanatyn adamdardyń synı oılaý qabileti aıtarlyqtaı tómendeıdi. Bul qubylys «kognıtıvtik demalys» dep atalady: mı únemi JI-ge senip, aqparatty óz betinshe taldaýdy umyta bastaıdy.
Zertteý nátıjeleri Societies jýrnalynda jarııalandy. Oǵan 17 jastan asqan 666 adam qatysty. Olar ártúrli jastaǵy jáne bilim deńgeıindegi adamdardy qamtydy. Aldymen qatysýshylardyń JI quraldaryn qanshalyqty jıi qoldanatyny anyqtaldy, keıin olardyń synı oılaý qabiletteri baǵalandy.
Nátıjeler kórsetkendeı, JI-di jıi paıdalanatyn adamdardyń mı qyzmeti sırek qoldanatyndarǵa qaraǵanda áldeqaıda baıaý jumys isteıdi. Taǵy bir tańqalarlyq fakt – adamnyń JI quraldaryn qoldaný jıiligi onyń bilim deńgeıinen de mańyzdyraq faktor bolyp shyqty. Iаǵnı, joǵary bilimdi adamdar da JI-ge tym sense, synı oılaý qabiletteri nasharlaıdy.
Ǵalymdar bul qubylysty alańdaýshylyqpen qabyldap otyr. «JI quraldaryn shekteýsiz qoldaný – adam mıyn passıvtik rejımge kóshiredi», – deıdi zertteý avtorlary. Bul tehnologııalardy aqylmen paıdalaný jáne aqparatty óz betimizshe óńdeýdi jalǵastyrý – bolashaqta kognıtıvtik qabiletimizdi saqtap qalýdyń mańyzdy joly.
