Bul kolledjderdi jóndeýge, materıaldyq-tehnıkalyq bazalaryn jabdyqtaýǵa, mektepterde kásibı baǵdar berý kabınetterin ashýǵa jumsalady. Atqarylatyn jumystar qatarynda «Kásibı baǵdar berý pedagogi» shtat birligin engizip, jumysshy mamandyqtaryn dáripteıtin túrli is-sharalardy júzege asyrý da bar. Kolledjderge kásiporyndardan óndiris sheberlerin tartyp, sheteldikterdi jergilikti kadrlarmen almastyrý da oılastyrylǵan.
Alda iri kásiporyndar men orta bıznes ókilderiniń qatysýymen toqsan saıyn bos jumys oryndary jármeńkeleri uıymdastyrylady. Osy kúni jumysshy jáne orta býyn mamandyqtary boıynsha bilim alýǵa nıetti 9-synypty bitirýshilerdi 100 paıyz tegin kásiptik bilimmen qamtýǵa 5308 oryn memlekettik tapsyrys bólýge qujat ázirlený ústinde. Kolledjderdi úzdik bitirgen 100 stýdentke turaqty jumysqa ornalasýǵa joldama berýge aımaqtaǵy iri kásiporyndarymen arnaıy kelisim jasalady.
Qoǵamda eńbek adamyna qurmet qalyptastyryp, jumysshy mamandyqtaryn nasıhattaý, bedelin kóterý, jastardyń qyzyǵýshylyǵyn arttyrý baǵytyndaǵy jumystar Syrda osylaı júzege asady.
Osy kúni óńirdegi kolledjderde 97 mamandyq, 158 biliktilik boıynsha eńbek naryǵyna qajetti kadrlar daıarlanyp keledi. Ataýly jylǵa josparlanǵan jumystar aıasynda jobalyq keńse jasaqtap, aımaqtyq shtab qurý, «Adal eńbek – Adal tabys» taqyrybynda «Jumysshy mamandyqtar jylynyń» saltanatty ashylýyn uıymdastyrý bar.
Tehnıkalyq jáne kásiptik bilim berý salasyn transformasııalaý oqý ornynyń sapasyna oń áser etetini anyq. Dýaldy oqytý, modýldik bilim berý, halyqaralyq standarttarǵa saı, eńbek naryǵyna qajetti, suranysqa ıe jumysshy mamandar daıarlaýdyń bul bastamasy óńirdegi kásiptik bilim berý deńgeıin arttyra túsedi.
Qyzylorda
