Ombylyq áriptesteri kitaphanaǵa «Ombydaǵy pýshkınıana» mınıatıýralyq kitabyn syıǵa tartty. Mınıatıýrlik basylymdar oqyrmandar arasynda erekshe qyzyǵýshylyq týdyrady. Sırek kitaptar qoryndaǵy mundaı jınaqtar jeke qolǵa berilmeıdi. Tek oqyrman zalynda alyp qaraýǵa múmkindik bar.
Kitap qorynyń basshysy Baqytjan Buqashevanyń aıtýynsha, kólemi shaǵyn kitaptardyń ishinde kórkem ádebıet jáne salalyq týyndylar saqtalyp otyr. Deni qazaq jáne orys jazýshylarynyń shyǵarmalary. Eń kishisi Omar Haıamnyń 50h70 mm ólsheminde shyǵarylǵan jınaǵy eken. Munda Pýshkın týraly ádebıetter katalogi da bar.
Sırek kitaptar bóliminiń basshysy Marına Goncharova árbir kitap ózinshe qundy deıdi. Halyqaralyq standarttarǵa sáıkes, uzyndyǵy men eni 3 dıýım, ıaǵnı 76 mıllımetrden aspaıtyn kitaptar mınıatıýralyq basylym bolyp sanalady eken. «Mekemede sırek kitaptar jınaqtalǵan bes zal bar. Onda qundy jáne sırek kezdesetin kitaptar kezdesedi. On toǵyzynshy ǵasyrdyń aıaǵy men jıyrmasynshy ǵasyrdyń basynda jaryq kórgen kitaptar bar. Avtorlardyń qoltańbalary saqtalǵan. Odan keıingileri faksımıldi qaıta basylyp shyqqan jáne mınıatıýralyq kitaptar» deıdi maman.
Shaǵyn kólemdi kitaptar HVII–HVIII ǵasyrlarda asa tanymal bolǵan eken. Olar el arasynda kádesyı retinde júripti. Mazmuny men qundylyǵy jaǵynan kádimgi kitaptan eshqandaı aıyrmashylyǵy joq. Tek shaǵyn taralymmen shyǵyp otyrǵan.
Pavlodar kitaphanasyndaǵy mınıatıýrlik basylymdar qorynda Juban Moldaǵalıevtiń poemalary, Muhtar Áýezovtiń «Abaı joly» romanynan úzindiler, ózge de tanymal avtorlardyń týyndylary bar. Eń bastysy, shaǵyn kitaptar qatary tolyǵyp otyrady. Eń jańasy – aqyn Vıktor Semerıanovtyń «Máshhúr shyńy» poemasy.
PAVLODAR
