Foto: dimashnews.com
16 qańtarda Astanada «Halyqtyń súıiktisi-2024» ulttyq syılyǵynyń marapattary saltanatty túrde tabystaldy. Eldegi eń tanymal premııa 14-shi ret ár túrli saladaǵy halyqtyń súıikti qaıratkerlerin tańdady.
Qazaqstannyń Halyq ártisi Dımash Qudaıbergen «Jyldyń Mádenıet qaıratkeri» nomınasııasyn jeńip aldy.
Esterińizge sala keteıik, 2023 jyly ánshi «Halyqtyń súıiktisi» syılyǵynyń úsh dúrkin ıegeri retinde arnaıy nomınasııamen marapattalǵan bolatyn.
Saltanatty sharada syılyq Qazaqstannyń eńbek sińirgen qaıratkeri, «DimashAli» shyǵarmashylyq ortalyǵynyń dırektory Qanat Aıtbaevqa tabystaldy.
«Halqyma, qymbatty jerlesterime meniń shyǵarmashylyǵyma erekshe den qoıyp, qurmetpen qaraǵany úshin úlken rızashylyǵymdy bilidire otyryp, alǵysymdy aıtamyn. Kóp raqmet, dostar! Búgin «Halyqtyń súıiktisi» syılyǵyn alǵan barlyq úmitkerlerdi quttyqtaımyn. Barshańyzǵa amandyq pen bereke tileımin. Bizdiń bastamalarymyzǵa qoldaý tanytqan árbirińizge mol tabystar tileımin», dedi Dımash Qudaıbergen.
