Qazaqstan Afrıka elderimen tyǵyz baılanysta

12-15 maýsymda Ońtústik Afrıka Respýblıkasynyń (OAR) astanasy – Iohannesbýrgte ótken Afrıka odaǵy (AO) úkimetteri men memleketteri basshylarynyń 25-shi Assambleıasyna Qazaqstan Respýblıkasy Syrtqy ister mınıstriniń orynbasary Asqar Mýsınov bastaǵan qazaqstandyq delegasııa qatysty. AO sammıti Afrıka – 2063 kún tártibiniń negizinde kontınenttiń bolashaq damýyna jáne áıelder rólin kóterý máselelerine arnaldy. Sammıt sheńberinde aýmaqtyq qaýipsizdik jáne kóshi-qon saıasatyn nyǵaıtý máseleleri talqylandy. Sammıt barysynda qazaq­­standyq delegasııa Afrıkanyń júzden astam memleketteri ókilderiniń qatysýymen «Afrıka – 2063 kún tártibin qoldaý úshin: azyq-túlik, energetıka jáne sý qaýipsizdigi» atty arnaıy is-shara ótkizdi. Atalmysh is-shara aıasynda 2017-2018 jyldary BUU Qaýipsizdik Keńesiniń turaqty emes músheligine Qazaqstan ótiniminiń jáne mamandandyrylǵan kórmeniń tusaýkeseri uıymdastyryldy. Gambııa syrtqy ister mınıstri Neneh Makdýal Gaıe, Lıberııa SIM basshysy Avgýstın Kpehe Ngafýan jáne Somalı syrtqy ister mınıstri Abdısalam Hadlı Omar, BUU Afrıka boıynsha Ekonomıkalyq komıssııasy atqarýshy hatshysynyń orynbasary Abdýlla Hamdok, AO Komıssııasy tóraǵasynyń orynbasary Erastýs Mvencha jáne basqa da AO Hatshylyǵynyń komıssarlary bul is-sharanyń qurmetti qonaqtary jáne spı­kerleri boldy. О́z sózinde A.Mýsınov BUU-ny reformalaý boıynsha AO bas­tamasyn qoldaý jónindegi Qazaq­stannyń ustanymyn jetkizip, elimiz­diń Afrıkada myńdaǵan adam­nyń ómirin jalmaǵan Ebola epıde­mııasyna qarsy jáne Afrıka qur­lyǵyna qarjy jáne basqa da qajetti kómek berýdi jalǵas­tyrýǵa daıyn ekenin atap ótti. Qatysýshylarǵa Afrıkadaǵy azyq-túlik jáne asharshylyq máselelerin sheshýde elimizdiń mańyzdy úlesi bolyp tabylatyn Azyq-túlik qaýipsizdigi jónindegi Islam uıymy arqyly azyq-túlik kómegin kórsetý boıynsha Qazaqstannyń bastamasy týraly aqparat berildi. Sammıt aıasynda qazaqstandyq delegasııanyń basshysy Gvıneıa Prezıdenti Alfa Kondemen, OAR, Gambııa, Lıberııa, Somalı, Malavı, Týnıs, Serra-Leone, Kamerýn jáne Mozambık syrtqy ister mınıstrlerimen kezdesýler ótkizdi. Kezdesýler barysynda túrli pishimderde ózara qoldaý kórsetý jáne ekijaqty yntymaqtastyqty nyǵaıtý máseleleri talqylandy. Afrıka elderi syrtqy ister mınıstrlikteriniń basshylaryna Qazaqstannyń 2017-2018 jyldarǵa BUU Qaýipsizdik Keńesiniń turaqty emes músheligine kandıdatýrasyn qoldaý jáne EKSPO-2017 kórmesine qatysý máseleleri boıynsha Qazaqstan Prezıdenti men Qazaqstan Premer-Mınıstri attarynan hattar tabystaldy. Sondaı-aq, OAR-ǵa sapary kezeńinde qazaqstandyq dele­gasııa­nyń basshysy Iohan­nesbýrgte Qazaqstan Respýb­lıkasynyń Qur­metti konsýldyǵyn ashý rásimine qatysty. Qazaqstan qurlyqtyń 54 mem­leketin biriktirip, 1 mlrd.-tan astam halyqtyń basyn qamtıtyn Afrı­ka odaǵyna 2014 jylǵy qara­shadan bas­tap baıqaýshy bolyp tabylady. «Egemen-aqparat».