Akademııalyq bilimi bar ofıserler respýblıka Qarýly Kúshteri korpýsy quramyn tolyqtyrdy

Keshe Qazaqstan Respýblıka­synyń Tuńǵysh ­Prezı­denti – Elbasy atyndaǵy Ulttyq qorǵanys ýnıversıteti ofıser­leri­niń saltanatty bitirý rásimi ótti. Respýblıka Qarýly Kúshteriniń 102 túlek ofıseri Jaýyngerlik Tý ákelingen ýnıversıtet alańyna sapqa tizildi. «Ofıser myrzalar, siz­der­di Qazaqstan Respýb­lıkasynyń Tuńǵysh Prezı­den­ti – Elbasy atyndaǵy Ulttyq qorǵanys ýnıversıtetin sátti bitirýle­ri­ńizben shyn júrekten quttyq­taımyn. Árqaısymyz jáne barsha el úshin bul, sózsiz, ataýly kún. Sebebi, sizder zamanaýı turǵyda sapaly bilim alǵan joǵary áskerı oqý ornynyń qabyrǵasynan túlep shyqqan ofıserlersizder» – dep Qorǵanys mınıstri Iman­ǵalı Tasmaǵambetov áskerı qyzmetshilerdi quttyqtady. «Búgingi kún – men úshin óte qýa­­nyshty jáne ataýly kún. О́ıt­keni, men kadrlyq áskerı qyzmetshi bo­lyp tabylamyn, bul meniń ekin­shi áskerı bilimim, áskerı man­sa­­­bymnyń qısyndy jalǵasy. Oqý meniń dúnıetanymymdy ke­ńeıtti. Bazalyq bilimimdi molaıttym. Mundaǵy áleýet anaǵurlym keń, bilim berý – óte tereń. Ýnı­­ver­sıtettiń professorlyq-oqy­­tý­­­shy­lar quramyna alǵysymdy bil­­dir­­gim keledi», dedi Ulttyq qorǵa­nys ýnıversıtetiniń túlegi, pod­pol­kovnık Oraz Kúshikov. «Bizge Amerıkadaǵy Alabama shtatynyń Montgomerı qalasynda ornalasqan Áskerı-áýe akade­mııa­syn kórý múmkindigi boldy. Sol jerde olardyń daıyndyǵy men oqyp-úırenýin zerdeledik. Bizdi joǵary kásibı mamandar retinde daıyn­daǵan ýnıversıtettiń pro­fes­sorlyq-oqytýshylar qura­myna alǵysymdy bildirgim keledi», – dedi kelesi bir túlek, pod­polkovnık Talǵat Qalabaev. Bas shtab fakýltetiniń túlek­te­­­rimen qatar, keshe munda Ult­tyq ulan, Shekara qyzmeti jáne Arnaıy daıarlyq fakýl­tet­teriniń ofıserleri túlep shyqty. Arman­daǵan dıplomdaryn ýnı­versı­tettiń barlyq 18 kafe­drasy­nyń tyńdaýshylary aldy, dep habarlady Qorǵanys mınıstr­liginiń baspasóz qyzmeti.