Ekonomıkalyq odaq qyzmeti tanystyryldy

Londonda Eýrazııalyq ekonomıkalyq komıssııanyń Ekonomıka jáne qarjy saıasaty jónindegi mınıstri Tımýr Súleımenovtiń qatysýymen EAEO-nyń damý bolashaǵyna arnalǵan eki kúndik brıfıng ótti. Koroldiktiń Qorǵanys jáne qaýipsizdik ınstıtýtynda ótken sharaǵa dıplomatııalyq mıssııalar basshylary, Birikken Koroldik memlekettik organdarynyń ókilderi, brıtandyq jetekshi ǵylymı-zertteý ortalyqtarynyń jáne joǵary oqý oryndarynyń sarapshylary qatysty. Qazaqstannyń Ulybrıta­nııa­daǵy elshisi Erjan Qazyhanov is-sharany ashyp, brıfıngke qatysýshylardy Eýrazııa keńis­tigindegi ıntegrasııalyq úderis­terdiń damý barysymen tanystyryp ótti. E.Qazyhanov Eýrazııalyq ekonomıkalyq odaqty qurý ıdeıasyn 1994 jyly Qazaqstan Prezı­denti Nursultan Nazarbaev usyn­ǵany, al EAEO týraly shartqa 2014 jyly Astanada qol qoıylǵany atap kórsetildi. О́z sózinde T.Súleımenov Eýra­zııalyq ekonomıkalyq odaq jumysynyń qaǵıdattary men keleshegi, EAEO-nyń qury­lymy men mehanızmderi, son­daı-aq, Joǵary Eýrazııalyq ekonomı­ka­lyq keńes, Eýrazııalyq ekonomı­ka­lyq komıssııa sııaqty ınstıtýt­tyq organdardyń qyzmeti týraly baıandady. Mınıstr qatysýshylardyń nazaryn EAEO týraly shartta ekonomıkalyq yntymaqtastyq jónindegi basty máseleler bo­ıynsha sheshimderdiń konsensýs negizinde qabyldanatyndyǵy men uıymnyń ár múshesine arnalǵan veto quqyǵy qarastyrylǵandyǵyna aýdardy. Brıfıng barysynda EAEO-nyń ekonomıkalyq jáne ınves­tısııalyq áleýeti joǵary ekendigi, árkimge de ashyq birlestik bolyp tabylatyny, sondaı-aq, qura­mynda 180 mıllıonnan astam hal­qy bar álemdegi asa iri tutyný nary­ǵy­nyń biri ekeni atap ótildi. Kelesi kúni T.Súleımenov London Sıtıdiń brıtandyq jáne halyq­­ara­lyq kompanııalaryna arnal­­ǵan EAEO jóninde uqsas tanys­tyrylym ótkizdi. Sonymen qatar, T.Súleımenov óziniń London­ǵa sapary aıasynda Eýropa Qaıta qurý jáne damý bankiniń saıa­sat jáne seriktestik jónindegi vıse-prezı­denti Fılıpp Le Ýerý­men kezdesti. Eýrazııalyq ekonomıkalyq odaq – Eýrazııalyq ekonomıkalyq odaq týraly shartqa sáıkes qurylǵan halyqaralyq ekonomıkalyq uıym. EAEO aıasynda taýarlardyń, kapıtaldyń jáne jumys kúshiniń qozǵalý erkindigi, sondaı-aq, ekonomıka salalaryndaǵy úılesimdi, kelisilgen jáne biryńǵaı saıasat júrgizý qamtamasyz eti­ledi. EAEO-nyń músheleri Arme­nııa Respýblıkasy, Belarýs Respýb­lıkasy, Qazaqstan Respýblıkasy, Qyrǵyz Respýblıkasy (qazir sońǵysynyń EAEO-ǵa qosylýy týraly shartty ratıfıkasııalaý úderisi júrip jatyr) jáne Reseı Federasııasy bolyp tabylady. «Egemen-aqparat».