Páter kiltterin tabys etti

Qorǵanys mınıstri Imanǵalı Tasmaǵambetov 2014 jylǵy 23 qyrkúıekte Almaty oblysy Jańalyq aýylynyń mańaıynda avıasııalyq apatqa ushyraǵan Sý-27 ushaǵy qaza tapqan ekıpajynyń jesirlerine páter kiltterin tabys etti. Maǵrıpa Sarqynova men Lıýbov Gorbýnovaǵa Aqmola óńirlik garnızony turǵyn úı komıssııasynyń sheshimimen eki jáne úsh bólmeli páterler berildi. «Biz beıbit turǵyndardy aman saqtap qalý úshin óz ómirlerin qıyp, naǵyz erlik jasaǵan ofıserlerdi qurmetpen eske alamyz. Olardyń esimderi osy erlikterine rıza bolǵan mıllıondaǵan qazaq­stan­dyqtyń júreginde árdaıym  saqta­lyp qalatyn bolady», – dedi Qor­ǵanys mınıstri Imanǵalı Tasma­ǵambetov. «Biz kóńil bólip, páter berip otyrǵan Qorǵanys mınıstrligine rızamyz, balalarymyzdyń bola­shaǵy bar», – dedi podpolkovnık Denıs Gorbýnovtyń artyn­da qal­ǵan zaıyby Lıýbov Alekseevna. Esterińizge sala keteıik, 2014 jylǵy qyrkúıekte Almaty oblysynda oqý-jattyǵý ushýlary kezinde Sý-27 áskerı ushaǵy qulaǵan bolatyn. Podpolkovnık Erlan Naýanov pen podpolkovnık Denıs Gorbýnovtan turatyn ushaq ekıpajy ushaqty eldi mekennen aýlaqqa alyp ketý úshin qoldan kelgenniń bárin jasady. 2014 jylǵy jeltoqsan aıynda Memleket basshysynyń Jarlyǵymen jaýyngerlik jáne qyzmettik boryshtaryn oryndaý kezinde kórsetken janqııarlyq erligi úshin podpolkovnık Erlan Naýanov pen podpolkovnık Denıs Gorbýnov qaza tapqannan keıin II dárejeli «Aıbyn» ordenimen nagradtalǵan bolatyn. «Egemen-aqparat».