Sý tasqynyna qarsy is-sharalarda tájirıbesi bar Qarýly kúshterdiń Desanttyq-shabýyldaý áskerleriniń áskerı qyzmetshileri aýyl turǵyndaryna kómekke keldi.
Jarmuhambet aýylynda shamamen 10 000 adam turady. О́tken aptada aýa-raıy jyly bolǵandyqtan ózendegi sý deńgeıi edáýir kóterildi. Keı jerlerde ol turǵyn úılerdiń aýlalaryna jaıyldy. Ile aýdanynyń ákimi ótkizgen shuǵyl keńesten keıin Qarýly kúshterdiń Desanttyq-shabýyldaý áskerleri qolbasshysynyń kómegine júginý týraly sheshim qabyldandy.
– General-maıor Almaz Jumakeev aýyl turǵyndaryna ózenniń jaǵasyn nyǵaıtý jumystaryn júrgizý úshin 43 desantshy-áskerı qyzmetshini kómekke jiberdi. Sarbazdar tynymsyz óte jyldam jumys istedi. Jarmuhambet aýylynyń turǵyndary olarǵa kómek kórsetkeni úshin shyn júrekten alǵystaryn bildirip jatyr, – dedi Almaty oblysy Ile aýdany ákiminiń orynbasary Almas Bókenaev.
Eki kúnde turǵyn úı alaptaryn sý basýyna jol bermeý maqsatynda 800 metrden astam sý bógeý qurylystary, onyń ishinde 2500-den astam qapshyq tóseldi.
Esterińizge sala ketsek, ótken jyldyń kókteminde Desanttyq-shabýyldaý áskerleriniń áskerı qyzmetshileri Batys Qazaqstan oblysynda sý tasqynyna qarsy is-sharalarǵa qatysty. 300 desantshy Jaıyq, Shaǵan, Derqul ózenderiniń jaǵalaýlaryn jáne olardyń Chapaev, Jaıyq, Terekti, Darın jáne basqa da qala mańyndaǵy aýdandardaǵy salalaryn nyǵaıtty.
