Apat

Ońtústikte bolǵan bul avtomobıl apaty 14 adamnyń ómirin jalmap ketti. OQO IID baspasóz qyzmetiniń jetekshisi Saltanat Qarakózova avtoapatqa kináli «Mercedes Sprinter» kóliginiń júrgizýshisi ekendigin aıtady. Oqıǵa Almaty – Shymkent tas jolynyń boıyndaǵy Bozaryq eldi mekeniniń mańynda bolǵan. «Mercedes» júrgizýshisi aldynda kele jatqan aýyr júk kóligi «Howo»-ny basyp ozyp ketpek bolady. «Howo»-nyń jol boıyndaǵy janarmaı quıý beketine burylýǵa yńǵaı tanytqanyn kóre tura, aldyna shyǵyp ketpekshi bolǵan. Taraz – Shymkent baǵytynda jolaýshylar tasymaldaıtyn «Mercedes»-te 19 adam bolǵan eken. Apatty kózimen kórgender mashınalaryn toqtatyp dereý kómekke umtylǵan. Alaıda, kúl-talqany shyqqan kóliktegi toǵyz adam, ishinde jas bala da bar, sol mezette jan tapsyrǵan. Aýyr jaraqat alǵan jolaýshylar oblystyq jedel járdem aýrýhanasynyń reanımasııa bóliminde jatyr. Ishinde jas balalar da bar. Qaıǵydan qan jutqan ­aǵa­­ı­­yn­dary Allaǵa minájat etip, dári­­g­erlerdiń týystaryn ­aman-saý alyp qalýyn tilep, aýrý­hana esigin kúzetip júr. «Mer­cedes» júr­­gi­zý­shisi de es-tússiz kúıde aýrý­­hanaǵa túsken eken. Qazir bel­gili bolǵandaı, ol da kóz jumdy. Bir adamnyń bir sáttik qateliginen ondaǵan jan qaıtpas saparǵa attanyp ketti. Qanshama shańyraqqa qan jutqyzǵan osyndaı oqıǵalardyń kólik júrgizýshilerine sabaq bolmaıtyny ókindiredi. Baqtııar TAIJAN, «Egemen Qazaqstan». Ońtústik Qazaqstan oblysy.