Qurylys jergilikti turǵyndarǵa qosymsha jumys oryndary ashpaq. Sonymen qatar 2024 jyly iri túıindik habtardy damytý maqsatynda áýe kóligi ınfraqurylymyn jańǵyrtý aıasynda birqatar jumys atqaryldy. Mysaly, úsh jańa jolaýshylar termınaly paıdalanýǵa berildi. Almaty, Shymkent, Qyzylorda qalalarynda jolaýshylar termınalynyń ótkizý múmkindigi artty.
Almaty qalasy Halyqaralyq áýejaıy jańa termınalynyń ótkizý múmkindigi jylyna 2,5 mln-nan 14 mln jolaýshyǵa deıin ulǵaıdy.
Otandyq avıakompanııalar «Air Astana», «SCAT», «Qazaq Air», «FlyArystan» Qazaqstannyń 19 qalasyna turaqty ushyp turady. Halyqaralyq áýe qatynasyn álemniń 26 elinde 50 baǵytta 30 sheteldik avıakompanııa oryndaıdy.
Shymkent qalasy áýejaıynyń jańa termınalynyń ótkizý múmkindigi – jylyna 800 myńnan 6 mln jolaýshyǵa deıin. Jańa termınal halyqaralyq áýe baǵyttarynyń sanyn 10-ǵa, reısterdi aptasyna 24-ke deıin arttyrdy. Djıdda, Medına (KSA), Doha (Qatar), Fýkýok (Vetnam) jáne Phýketke (Taıland) áýe qatynasy ashyldy.
Qyzylorda qalasynyń «Qorqyt Ata» halyqaralyq áýejaıynyń ótkizý múmkindigi jylyna 300 myńnan 2 mln jolaýshyǵa deıin ósti. Búginde Qyzylorda qalasynan 25 ishki reıs oryndalyp jatyr.
«Skyhansa» qazaqstandyq-germandyq kompanııasymen «Qorǵas-Shyǵys qaqpasy» arnaıy ekonomıkalyq aımaǵynda kóptegen joba bastaldy. Mysaly, qýaty saǵatyna 500 adamǵa deıingi jolaýshylar termınalyn, syıymdylyǵy 550 myń tonnaǵa deıingi otyn qoımasyn, júkterdi 250 myń tonnaǵa deıin tolyq óńdeıtin júk termınalyn salynady. Sondaı-aq áýe kemelerine qyzmet kórsetetin avıasııalyq-tehnıkalyq ortalyq qurylmaq. 300-den asa turaqty jumys ornyn qura otyryp, týrıstik jáne saýda, oıyn-saýyq qyzmetterin damytý josparlanǵan.
Keıingi jyldary áýe kóligi jolaýshylarǵa yńǵaıly ári tartymdy bolýǵa tyrysyp jatyr. Jyldan-jylǵa áýe tasymaly 10-15%-ǵa arta túsken. 2024 jyly otandyq avıakompanııalar 15 mln-ǵa jýyq adamdy tasymaldady, áýejaılar 30 mıllıon jolaýshyǵa, onyń ishinde sheteldik avıakompanııalar men azamattarǵa qyzmet kórsetti. 2024 jyly júk tasymaly kólemi jylyna 28 myń tonnaǵa ulǵaıdy.
Otandyq áýe tasymaldaý júıesin damytýdaǵy mańyzdy elementi – ushaqtar parkin jańartý. Ol jyl saıyn 10-15 áýe kemesimen tolyqtyrylady. Búginde elimizdiń avıaparki 102 ushaqty quraıdy.
Qazaqstannan halyqaralyq áýe qatynasy 31 elmen (Reseı, Qyrǵyzstan, О́zbekstan, Tájikstan, Grýzııa, Belarýs, Ázerbaıjan, BAÁ, Saýd Arabııasy, Qatar, Iran, Oman, Mysyr, Kýveıt, Ońtústik Koreıa, Qytaı, Úndistan, Vetnam, Taıland, Mońǵolııa, Kambodja, Malaızııa, Maldıv araldary, Shrı-Lanka, Túrkııa, Ulybrıtanııa, Germanııa, Italııa, Nıderland, Polsha, Chehııa) aptasyna 582 reıs jıiligimen 117 baǵytta ornatyldy.
Sonymen qatar erekshe qajettilikteri bar azamattar úshin barlyq qajetti jaǵdaı jasalǵan. Jerústi qyzmetiniń mamandary alǵashqy medısınalyq kómek kórsetý, onyń ishinde erekshe qajettilikteri bar azamattardy súıemeldeý boıynsha turaqty arnaıy oqýdan ótedi. Ambýlatorlyq kótergishter, arnaıy arbalar, kózi nashar kóretinderge arnalǵan arnaıy jolaqshalar men dybystyq navıgasııa júıeleri bar.
Elimizdiń halyqaralyq áýejaılarynda ana men balaǵa arnalǵan bólmeler, valıýta aıyrbastaý pýnktteri, poshta baılanysy, symsyz ınternet bar. Sondaı-aq onlaın tirkeý úderisin jyldamdatý úshin birqatar áýe kompanııalary mobıldi qosymshalardy engizdi. Kórsetiletin qyzmetter barlyq sanattaǵy azamattar úshin sapany jáne qoljetimdilikti arttyrýǵa baǵyttalǵan.
Jolaýshylar áýe tasymaldary kórsetkishiniń ósýi, marshrýttardyń artýy ishki jáne sheteldik týrızmdi damytady. Bul el óńirleriniń ınvestısııalyq tartymdylyǵyn arttyrady.
Qazaqstandaǵy avıasııa salasynyń damýy, halyqaralyq tanylymy ushý qaýipsizdigine baılanysty. Elimizde ushý qaýipsizdigi halyqaralyq standarttaryna sáıkestik deńgeıi 82%-dy quraıdy. Bul – TMD elderi arasynda eń joǵary kórsetkish. Danııa men Polsha sııaqty Eýropa odaǵy elderimen salystyrýǵa keledi.
