Atalǵan kabınetti ashý barysy týraly sóz alǵan mektep dırektory Aıgúl Ońdaǵanqyzy: «Biz bul kabınetti jasaqtaýǵa kóp daıyndaldyq. Sondaǵy maqsatymyz – mektep oqýshylarynyń mýzykalyq bilimin jetildirip, olardy erkin oıly órender retinde jan-jaqty damytý. Japonııaǵa barǵan saparymda olardyń bilim salasynda mýzykaǵa erekshe kóńil bóletinin túsindim. Biz de mektebimizde sabaq úzilisinde on mınýttyq án aıtý jobasy sııaqty bastamalardy qolǵa aldyq. Mine, búgin Dımash syndy talantymyzdyń atynda mýzyka kabınetin ashyp otyrmyz. Biz oqýshylarymyzdyń oı-órisin keńeıtip, mektepten álemdik deńgeıge umtylsyn degen nıettemiz», degen aqjarma sózin aıtty.
Al Dımash Qudaıbergenniń ákesi atalǵan kabınettiń ashylýy mektep oqýshylaryna shabyt syılap, olardyń da arasynan álemge tanylǵan talanttar shyǵýyna tilektestik bildirdi ári osy kabınetke ánshige tartý etilgen syılyqtardan saralap, jádigerler berýge de kómektesetinin aıtty.
