Business Insider habarlaǵandaı, baǵanyń ósýi kóktemgi maýsymǵa (sáýir-mamyr) ǵana emes, basqa da kezeńderge áser etedi. Kúzgi maýsymda (qyrkúıek-qarasha) Everestke shyǵý quny endi 7 500 dollar (buryn 5 500 dollar) bolsa, al qysqy maýsymda (jeltoqsan - aqpan) eń bıik shyńdy baǵyndyrý 3 750 dollarǵa (buryn 2 750 dollar) deıin ósti.
«Ruqsat berý aqysy uzaq ýaqyt boıy qaıta qaralmaǵan. Qazir ony jańartý joldaryn qarastyryp jatyrmyz», dedi Nepaldyń týrızm departamentiniń basshysy.
Memleket qosymsha qarajat birden birneshe máseleni sheshýge jumsalatanyn atap ótti:
- Eldiń kirisin arttyrý;
- Alpınısterdiń qaýipsizdigin jaqsartý;
- Ekologııalyq problemalarmen kúresý.
Baǵanyń kóterilýine kóptegen adamdar oń pikir bildirdi. Osy saladaǵy sarapshylardyń aıtýynsha, qosymsha qarajat qorshaǵan ortany qorǵaýǵa jáne Everesttegi qaýipsizdikti jaqsartýǵa jumsalady.
Aıta keteıik, buǵan deıin álemdegi eń bıik taýǵa shyǵý quny 11 myń AQSh dollary, ıaǵnı 6 mln teńgeni quraǵan.
