Alǵash ret zańnamalyq deńgeıde qamqorshylyq organdarynyń shtattyq sanynyń normatıvi bekitildi, ıaǵnı 5 myń balaǵa bir maman. Búgingi tańda óńirlik qamqorshylyq organdarynyń qyzmetkerleriniń sany 303-ten 692 adamǵa deıin artty. 2025 jyly bul kórsetkishti aıtarlyqtaı ulǵaıtý josparlanyp otyr, bul balalar men olardyń otbasylaryna kómek kórsetýdiń qoljetimdiligin arttyryp, qamqorshylyq organdarynyń jumys sapasyn jaqsartýǵa múmkindik beredi.
«Jańa shtattyq norma kóptegen elderde teńdesi joq biregeı qazaqstandyq tájirıbe. Endi qamqorshylyq organdarynyń árbir mamany qajetti qoldaýdy qamtamasyz ete otyryp, balalarmen jáne olardyń otbasylarymen jaqyn jumys isteı alady», deıdi mınıstr Ǵanı Beısembaev.
Qazir Oqý-aǵartý mınıstrligi Balalardyń quqyqtaryn qorǵaý komıteti Bala quqyqtary jónindegi ýákilmen birlesip qamqorshylyq organdary qyzmetiniń tıimdiligin arttyrý úshin ádistemelik usynymdar ázirlep jatyr.
