- Jedel is-sharalar barysynda iri bıznes-ortalyq keńseleriniń birinde Reseı azamaty Call-ortalyq jumysyn uıymdastyrǵan jáne Qazaqstannyń 24 azamatyn jumysqa ornalastyrǵan. Olar áleýetti klıentterge qońyraý shalyp, krıptovalıýtaǵa ınvestısııa salý usynysymen aınalysqan, qolma-qol aqshany krıpto shottaryna aýdarǵannan keıin jábirlenýshilerdiń qońyraýlaryna tosqaýyl qoıǵan, - delingen habarlamada.
Ártúrli GSM-shlıýzder men «Sim-Box» paıdalana otyryp, ınternet arqyly anonımdi qońyraý shalýǵa arnalǵan baǵdarlamalyq qamtamasyz etý ornatylǵan kompıýterler men basqa da jabdyqtardyń 60 birligi tárkilendi.
Sondaı-aq daıyn ssenarııleri bar dápterler tabyldy, onda minez-qulyq algorıtmi jáne klıenttermen qalaı jumys jasaý kerek ekeni kórsetilgen (ne aıtý kerek, ózin qalaı ustaý kerek, aǵa menedjerlerge aýysý jáne t.b.).
- Atalǵan fakt boıynsha alaıaqtyqpen sotqa deıingi tergeý bastaldy, jábirlenýshiler men keltirilgen zalal anyqtaldy. Prokýratýra organdary azamattardy muqııat bolýǵa, kúmándi ınvestısııalyq salymdar týraly kóndirýge berilmeýge, ózderiniń banktik kartalarynyń derekteri men kirý kodtaryn bógde adamdarǵa bermeýge shaqyrady. Mundaı Call-ortalyqtyń jumys isteýi týraly aqparat bolǵan jaǵdaıda quqyq qorǵaý organdaryna habarlaý qajet, - delingen prokýratýra habarlamasynda.
