Tuǵyrǵa bes qarýy saı arnaıy jasaq jaýyngeri qonǵan. Onyń qolynda qýat-kúshin, erkindik pen jarqyn bolashaqqa degen umtylysyn beıneleıtin qanattary jaıylǵan qudiretti qyran búrkit. Eskertkishtiń tuǵyryna «Bizdiń kúshimiz – birlikte» urany jazylǵan.
Saptyq plasta jaýyngerlik týdy tabystaýǵa arnalǵan saltanatty rásim ótti. Ony Qorǵanys mınıstriniń qolynan 36814 áskerı bóliminiń komandıri polkovnık Ulyqbek Saq qabyldady.
– Bul áskerı jádiger ótken, qazirgi jáne bolashaq jaýyngerlerdiń ar-namysyn, abyroıyn, dańqy men jaýyngerlik dástúrlerin beıneleıdi. Búgin sizderdiń bólimniń jaýyngerlik qyzmetiniń jańa beti bastaldy. Ata-babalarymyzdyń ósıetine adal bolyp, Arnaıy operasııalar kúshteriniń jaýyngeri ataǵyn maqtanyshpen alyp júrińizder, – dedi mınıstr.
Jaýyngerlik týdy tapsyrý rásimi bólimniń basqarý organynyń jańa modýldik ǵımaratynyń ashylýyna jalǵasty. General-polkovnık Rýslan Jaqsylyqov shtabtyń ornalasýy úshin jasalǵan jaǵdaıdy tekserip, jańartylǵan turǵyn úı qorymen tanysty.
Vedomstvo basshysy taktıkalyq qalashyqta jáne arnaıy jasaqtardyń praktıkalyq sabaqtary ótetin oqý-jattyǵý kesheninde boldy. Áskerı qyzmetshiler ǵımaratty tazartý, avtokólikke, avtobýsqa shabýyl jasaý, saýytty mashınamen «jaralylardy» evakýasııalaý sekildi is-qımyldardy kórsetti. Sondaı-aq, áýe-desanttyq daıyndyq elementteri kórsetilip, jumyldyrý rezervine sabaq ótti.
Psıhologııalyq kedergilerdi eńserý barysynda ofıserler kórinýi shekteýli jáne kúrt ózgeretin jaǵdaıda jedel sheshimder qabyldady.
Bólimniń áskerı qyzmetshilerin jaýyngerlik daıarlaý sharttaryn zerdelegen Qorǵanys mınıstri memlekettiń múddelerin qorǵaý men onyń qorǵanys qabiletin qamtamasyz etý jónindegi neǵurlym kúrdeli tapsyrmalardy oryndaýǵa arnalǵan bólimsheniń jaýyngerlik áleýetin arttyrýdy tapsyrdy.
