PETROPAVL. 18 maýsym. Oblys ákimi Erik Sultanov ortalyq alańda ótken «Qazaqstan balalary–nurly jolmen» saltanatty sharasyna qatysyp, úzdik mektep bitirýshilerdi aqshalaı syılyqtarmen marapattady. Bul týraly ákimdiktiń baspasóz qyzmeti habarlady.
Bıylǵy oqý jylynda «Altyn belgini» 37 túlek alsa, 23 túlek úzdik attestat ıegeri atandy. Ortasha ball 77,88-den aınalyp, Aqqaıyń, Ýálıhanov, Tımırıazev, Qyzyljar aýdandary, Petropavl qalasy aldyńǵy orynnan kórindi. Respýblıkalyq, halyqaralyq baıqaýlar men olımpıadalardyń jeńimpazdary men júldegerleri atanǵan 72 oqýshy UBT-dan bosatyldy. 8 oqýshy ataýly grantqa ıe boldy.
«Biz búgin «Qazaqstan balalary - nurly jolmen» atty úzdik mektep bitirýshilerin saltanatty marapattaý rásimine jınaldyq. El Prezıdenti Nursultan Nazarbaev «Nurly jol» ekonomıkalyq saıasatyn júzege asyrýda jas urpaqqa úlken úmit artady. Sizder - elimizdiń, óńirimizdiń bolashaǵy, onyń basty áleýeti bolyp tabylasyzdar», deı kelip, Erik Hamzauly 123 ball jınaǵan qazaq-túrik lıseıiniń 11 synyp oqýshysy Ásel Sharapovaǵa aqshalaı syılyq pen onýbýkty syıǵa tartty.
О́zge ozat túlekter de syı-sıpattarǵa keneldi.
О́mir Esqalı.
Derek,sýret: Soltústik Qazaqstan oblystyq ákimdiginiń baspasóz qyzmeti.
