Foto: gov.kz
Qazaqstan Respýblıkasy Aýyl sharýashylyǵy mınıstrligi Jer resýrstaryn basqarý komıtetiniń tóraǵasy Murat Temirjanov Ortalyq kommýnıkasııalar qyzmetinde ótken baspasóz máslıhatynda Qazaqstan Respýblıkasynyń Prezıdenti Qasym-Jomart Toqaevtyń tapsyrmasyn iske asyrý barysy týraly aıtty. Memleket basshysy 2022 jylǵy 1 qyrkúıektegi Qazaqstan halqyna Joldaýynda paıdalanylmaı jatqan 10 mıllıon gektar jerdi nemese zań talaptaryn buza otyryp berilgen jerlerdi qaıtarý mindetin qoıdy.
«Barlyq múddeli memlekettik organdardyń úılesimdi jumysynyń arqasynda úsh jyl ishinde aýqymdy jumystar atqaryldy. 9,4 mıllıon gektar aýmaqta 4 731 jospardan tys tekserý júrgizildi. 6,3 mıllıon gektar aýmaqtaǵy buzýshylyqtardy joıý týraly 3482 uıǵarym shyǵaryldy. Nátıjesinde 12,1 mln ga jer memleket qoryna qaıtaryldy, onyń ishinde: 2022 jyly – 5,4 mln ga; 2023 jyly – 4,6 mln ga; 2024 jyly – 2,1 mln ga», dedi M.Temirjanov.
Baıandamashy qaıtarylǵan jerlerdiń jalpy kóleminiń 4,9 mıllıon gektary jergilikti bılikke halyqtyń muqtajy úshin berilgenin, onyń ishinde: 1,9 mıllıon gektary jaıylymǵa, 3 mıllıon gektary jer paıdalanýshylarǵa berilgenin habarlady.
