Foto: Qorǵanys mınıstrliginiń baspasóz qyzmeti
Oǵan Qorǵanys mınıstriniń orynbasary general-maıor Shaıh-Hasan Jazyqbaev, atalǵan qorshaýdan aman qalǵan azamattar, Qarýly kúshterdiń ardagerleri, Saǵadat Nurmaǵambetov atyndaǵy áskerı kolledj kadetteri, «Jas sarbaz» balalar-jasóspirimder qozǵalysynyń tárbıelenýshileri qatysty.
Kórmege kelýshilerge ekinshi dúnıejúzilik soǵysyna qatysýshylardyń fotosýretteri, Lenıngrad mańyndaǵy izdeý jumystarynan tabylǵan snarıad qaldyqtary, jaýyngerlerdiń qujattary-jeke zattary kórsetildi.
Atalǵan soǵys tarıhynda erekshe oryn alatyn Lenıngradty azat etý maıdanyna Qazaqstan eleýli úles qosqany týraly general-maıor Shaıh-Hasan Jazyqbaev atap ótti: «Qala úshin shaıqas 900 kúnge sozyldy, sol shaıqastarda jaýyngerler ǵana emes, kóptegen beıbit turǵyndar da qaza tapty. Bizdiń elde qurylǵan áskerı bólimderdiń úshten biri Lenıngrad shaıqasyna qatysty. Olardyń ishinde 310-shy jáne 314-shi atqyshtar dıvızııasy da bar», degen mınıstrdiń orynbasary sondaı-aq, mergen Sársembaı Rústembekovtiń, bólimshe komandıri Joldas Aryqbaevtyń, pýlemetshi aǵa leıtenant Tastaq Nazarovtyń, qatardaǵy jaýynger Ilgız Tasbaevtyń, aǵa serjanttar Ivan Gýz ben Shanhan Qosoevtyń shaıqastardaǵy erlikterin atap ótti.
Is-sharaǵa qatysqan 1942 jyly týǵan Geldır Valeevtiń qorshaýda qalǵan qala jaıly estelikter jadynda qalmapty. Ata-anasy da balasyna surapyl soǵys pen ashtyq jaıly aıtpaýdy jón kóripti.
Jambyl Jabaev 1941 jyldyń kúzinde qala turǵyndaryn óleńimen rýhtandyrdy. Onyń «Lenıngradtyq órenim» óleńin Qazaqstannyń eńbek sińirgen qaıratkeri, Qarýly kúshter Ortalyq ansambliniń solısi Nurlan Nurtazın oqydy.
