Foto: sabah.com.tr
Quzyrly organdardyń málimetinshe, órt túngi saǵat 03:21-de qonaqúıdegi meıramhanadan bastalǵan. Osy kezde ashana qyzmetkerleri taǵamdy qýyrý úshin grıldi paıdalanyp, tańǵy asty pisirýge daıyndalyp jatqan. Qurylǵyny uzaq qyzdyrý saldarynan onyń betindegi maı kenetten janǵan.
As úı qyzmetkerleri órtti ózderi sóndirmek bolǵan. Alaıda olar órt sóndirý quralyn paıdalanýdyń ornyna jalyndy sýmen óshiremiz dep qate sheshim qabyldaǵan. Bul órttiń odan da qarqyndy taralýyna yqpal etken.
Jalyn maıdan tazartylmaǵan sorǵyshqa tıip, jeldetý júıesi arqyly shatyrǵa taraǵan. Saldarynan órt búkil ǵımaratty sharpyǵan. Osylaısha, Grand Kartal qonaqúıindegi iri órttiń shyǵýyna aspazdardyń salǵyrttyǵy sebep bolǵan. Sondaı-aq, tergeý barysynda qonaqúıdegi órt dabyly jumys istemegeni anyqtalǵan.
Qazirgi ýaqytta qylmystyq is qozǵalyp, ashananyń tórt qyzmetkeri ustalǵan.
Esterińizge sala keteıik, qonaq úıde bolǵan iri órtten 79 adam qaza tapty.
