Foto: primeminister.kz
Baıandamashynyń aıtýynsha 217 jaıly jáne 200 tirek mektepten turatyn úzdik bilim uıalarynyń jelisi qurylyp jatyr. Negizgi mindet – ozyq tájirıbeni taratý arqyly elimizdiń barlyq jalpy bilim berý mektepterinde bilim sapasyn kezeń-kezeńmen teńestirý.
«Bıyl 10 jetekshi tehnologııalyq kolledj qurylatyn bolady. Olar basqa da kásiptik bilim berý uıymdary úshin tirek resýrstyq ortalyqtaryna aınalady.
Búginde Qazaqstanda sheteldik joǵary oqý oryndarynyń 23 fılıaly jumys istep jatyr, olardyń 5-i ótken jyly ashyldy. Bıyl taǵy 11 fılıal ashamyz», dedi Oljas Bektenov.
Premer-Mınıstrdiń sózinshe ýnıversıtettik ǵylymdy damytý jáne ony kommersııalandyrý isine nazar aýdarylyp otyr. Sátbaev ýnıversıtetinde Qazaqmys korporasııasynyń tapsyrysy boıynsha taza selen alýdyń jańa tásili ázirlendi. Ol medısına, elektronıka jáne basqa da joǵary tehnologııalyq salalarda keńinen qoldanylyp jatyr.
«NU Ýnıversıtetiniń bazasynda tirek-qımyl júıesi zaqymdanǵan adamdardy ońaltýǵa arnalǵan ekzoskeletter óndirisi jolǵa qoıyldy. Qajetti sertıfıkattardy alǵannan keıin biz óndirýshini Densaýlyq saqtaý mınıstrligi tarapynan kepildik berilgen tapsyrystarmen qamtamasyz etemiz», dedi Úkimet basshysy.
