Aqtóbe oblysynda 17 jastaǵy qyz óz–ózine qol saldy

ASTANA. 18 maýsym. Aqtóbe oblysynyń Shalqar aýdanyna qarasty Jańaqonys aýylynda 17 jastaǵy qyz ózin óltirmek bolyp belgisiz dári iship, komaǵa tústi. Bul týraly nur.kz habarlady. О́zine qol jumsap, óltirmek bolǵan qyz balanyń júkti ekeni anyqtaldy. Aldyn ala boljam boıynsha, aıaǵy aýyr bolyp qalǵanyn bilgen boıjetken ákesinen qorqyp, ózin óltirmek bolǵan. Aýdandyq aýrýhanaǵa ol 15 maýsym kúni jetkizildi. Dárigerlerdiń biri: «Ol esinen tanyp jatty. Neden ýlanǵany belgisiz. Qyz jaqynda mektep bitirip, UBT tapsyrǵan. Júktilik merzimi – 4 aı. 17 maýsym kúni biz sanavıasııamen naýqasty Aqtóbege jiberdik», – dedi. Aldymen balalar aýrýhanasyna jetkizilgen qyz keıin oblystyq medısına ortalyǵyna aýystyrylǵan. Dárigerler onyń 3-sanattaǵy komaǵa túskenin, jaǵdaıy aýyr ekenin málimdedi. Aıta keteıik, qyzdyń anasy da dáriger. Ol qyzynyń júktiliginen habardar ekeni belgili boldy. Degenmen, naýqas qatal ákesinen qorqyp, dári iship qoıǵan. Eske sala keteıik, Ońtústik Qazaqstan oblysynda UBT-dan az upaı jınaǵan qyz ózine qol jumsap, qaıtys bolǵan edi. Talǵat Raıymbek. Derek, sýret: nur.kz.