2023 jylmen salystyrǵanda ótken jyly áýe qyzmetin paıdalanǵan jolaýshylar aǵyny 23%-ǵa ósken. Sonyń ishinde 480 myńnan astam jolaýshy ishki reısterdiń qyzmetin paıdalanǵan.
Byltyr Oral áýejaıynan jolaýshylar 10 baǵyt boıynsha usha aldy. Onyń tórteýi – halyqaralyq, qalǵany el ishindegi baǵyttar. Halyqtyń erekshe suranysyna ıe bolǵany – Astana, Almaty qalalary. Tipti kórshiles Atyraý qalasyna ushatyn reıske de bılet tabyla bermeıdi. Halyqaralyq baǵyttar arasynda Túrkııanyń Antalıa qalasy kósh bastap tur.
2022 jyly kóktemde Oral qalasyndaǵy halyqaralyq áýejaı ǵımaraty jańǵyrtýdan ótip, halyqaralyq standarttarǵa sáıkes qaıta salynǵan bolatyn. Sodan beri áýejaıda jolaýshylarǵa qyzmet kórsetý sapasy artty. О́tken jyly arnaıy tehnıka parki órt sóndirý mashınasymen, frontaldy tıegishpen, qar tazartýǵa arnalǵan eki Boschung áýeaılaq mashınasymen, qurama jol mashınasymen tolyqtyryldy. Jyl sońynda jabyq konstrýksııaly eki jańa trap, suıyq reagentti shashatyn tirkemeli úlestirgish, mehanıkalandyrý quraldary satyp alyndy.
– Barlyq qaýipsizdik talabyna saı keletin jańa baqylaý-ótkizý beketiniń qurylysy aıaqtaldy. Ony qańtardyń sońy, aqpannyń basynda paıdalanýǵa beremiz. О́tken jyly ushý-qoný jolaǵynyń deformasııalyq jikteri, perron jóndeldi, áýejaı shtabynyń ǵımaratyna syrtqy kúrdeli jóndeý júrgizildi, garaj bokstary, janarmaı quıý kesheni de jóndeýden ótti, – dedi A.Saqposynova.
Batys Qazaqstan oblysy
