Mańǵystaýda múgedek qyzdy zorlaǵan pedofılge úkim shyqty

AQTAÝ. 18 maýsym. Mańǵystaý oblysynda múgedek qyzdy zorlaǵan pedofılge úkim shyqty. Bul týraly egemen.kz tilshisi habarlady. Kámelet jasyna tolmaǵan jasóspirim qyz turatyn úıge sottalýshy shańsorǵysh jarnamalaımyn dep kirgenin, sondaı-aq, onyń múmkindigi shekteýli qyzdyń úıde jalǵyz ekenin bilip jáne múgedektigin paıdalanyp ony bas salyp sheshindirip, jábirlegendigin gazet saıtynda buryn habarlaǵan edik. Osy jyldyń aqpan aıynda Qaraqııa aýdanynyń Munaıshy aýylynda bolǵan oqıǵaǵa kúdikti retinde 22 jastaǵy О́zbekstan azamaty ustalǵan bolatyn. Úsh aıdan astam ýaqyt júrgizilgen tergeý nátıjesinde, kúdiktiniń kinási dáleldendi. Mańǵystaý oblysy boıynsha aýdanaralyq mamandandyrylǵan sotynyń úkimi boıynsha, endi jasaǵan qylmysy úshin azamat 10 jyl ómirin temir tordyń arǵy betinde, qatań rejımdegi túrmede ótkizetin bolady. Sot kezinde bultartpas derekterdiń bolýyna qaramastan, sottalýshy ózine taǵylǵan aıypty moıyndamaǵan. Alaıda, sottyń úkimine jábirlenýshi jáne zardap shegýshi jaq ta shaǵymdanbaǵan. Sondaı-aq, prokýror da qarsylyq bildirmegen. Gúlaıym Shyntemirqyzy. Derek: egemen.kz. Sýret: nur.kz.