Foto: Úkimettiń baspasóz qyzmeti
Kelissóz barysynda eki el arasyndaǵy saýda-ekonomıkalyq, ǵylymı-tehnıkalyq jáne mádenı-gýmanıtarlyq yntymaqtastyqty keńeıtý josparlary qaraldy. О́nerkásip kooperasııasy, aýyl sharýashylyǵy, energetıka, kólik ónerkásibi jáne basqa da salalardaǵy ózara is-qımyldy nyǵaıtý jónindegi mindetterdi júzege asyrýǵa nazar aýdaryldy.
Sonymen qatar Úkimet basshysy eki memleket basshylary arasyndaǵy taýar aınalymyn $30 mlrd-qa deıin jetkizý jónindegi ýaǵdalastyqtaryna qol jetkizý maqsatynda tasymaldanatyn taýarlar atalymyn keńeıtý mańyzdy ekenin atap ótti.
«Memleket basshylary Qasym-Jomart Toqaev pen Vladımır Pýtınniń birlesken kúsh-jigeriniń arqasynda ekijaqty yntymaqtastyǵymyz sapaly jańa deńgeıge kóterildi. Mańyzdy mindet – joǵary deńgeıde qol jetkizilgen ýaǵdalastyqtardyń is júzinde oryndalýyn qamtamasyz etý. Qazaqstan Úkimeti tyǵyz ózara is-qımyl jasaýǵa jáne barlyq salada yntymaqtastyqty damytýǵa daıyn», dedi Oljas Bektenov.
Úkimettiń málimetinshe, ótken jyldyń 11 aıynda ózara saýda kólemi $24,2 mlrd-qa jetken. Sondaı-aq, 2024 jylǵy 10 aıdyń qorytyndysy boıynsha aýyl sharýashylyǵy ónimderiniń aınalymy 5%-ǵa ósip, $3,2 mlrd-tan asqan.
«Qazaqstan – bizdiń strategııalyq seriktesimiz ári odaqtasymyz. Bizdiń qarym-qatynasymyz dostyq, tatý kórshilik, ózara syılastyq jáne bir-biriniń múddelerin eskerý qaǵıdattaryna negizdelgen. Vladımır Pýtınniń Qazaqstanǵa memlekettik sapary barysynda qarym-qatynastarymyzdy odan ári damytý jóninde mańyzdy ýaǵdalastyqtarǵa qol jetkizildi. Eki el úkimetteriniń mindeti - kóshbasshylarymyz qol jetkizgen kelisimderdiń múltiksiz oryndalýyn qamtamasyz etý», dedi Mıhaıl Mıshýstın.
Kelissózder nátıjesinde taraptar strategııalyq áriptestikti nyǵaıtýǵa jáne barlyq baǵyt boıynsha birlesken jumysty jalǵastyrýǵa ýaǵdalasty.
