Oralda maldardy elektrondy bazaǵa engizgenniń paıdasy tıdi

ORAL. 5 aqpan. Jaıyq aýylynyń turǵyny joǵalǵan sıyryn on aıdan keıin tapty. Bul týraly egemen.kz tilshisi habarlady. О́tken jyldyń sáýir aıynda Marzııa Erjanovanyń sıyry jaıylystan kelmeı qaldy. Otanasynyń izdemegen jeri qalmady. Aýlada qalǵan eki aılaq buzaýynyń móńiregen daýsyn estigen saıyn báıek tappaı ketetin. Kúnder óte berdi. Jaqyn mańdaǵy aýyldar men qystaqtardan izdeý salǵanymen eshqandaı nátıje shyqpady. Sóıtip ol joǵalyp ketken malynan kúderin ábden úzgen bolatyn. Áıtse de on aıdan soń oılamaǵan jerden qyryq kıllometr jerdegi Samal aýylynan súıinshi habar jetti. Maldyń malǵa qosylyp júre beretini belgili jáıt qoı. Sol aýyldyń turǵyny Muhıt Saǵyngereevtiń sý arnasy baǵytyndaǵy jaıylystaǵy malyna da bóten sıyrlardyń aralasyp ketip júrgeni belgili boldy. Birsypyra ýaqyt ótken soń solardy ıeleri aıdap áketip jatady. О́ziniń jeke malynyń arasynda bir bóten sıyrdyń uzaq júrgenin baıqap, eshkimnen izdegen habar kelmegen soń ol onyń túr túsin jáne qulaǵyndaǵy syrǵasynyń nómirin aýyl ákimidigine habarlaıdy. Sol-aq eken on aı qydyrympazdyqqa salynǵan sıyrdyń ıesi belgili bolady. Úı sharýasyndaǵy áıel oıda joqta súıinshi habar jetkende oǵan sener senbesin bilmeı daǵdaryp qalyp edi. Ol Muhıt Saǵyngereıuly men onyń zaıyby Roza Amanbaıqyzyna sheksiz alǵysyn bildiredi. Osy jerde Saǵyngereevterdiń adaldyǵyna súısinýmen birge, túlikti syrǵalaýdyń jáne muny aýyl sharýashylyǵy maldarynyń elektrondy bazasyna engizilýiniń de paıdasy bolǵanyn aıta ketý kerek. Sóıtip Marzııa Erjanovanyń qýaynyshy qýanyshua ulasty. On aı saıahattap qaıtkanynyń esesine aq-adal maly bir aptadan soń buzaýlady. Temir Qusaıyn. Derek: egemen.kz. Sýret: livejournal.com.