Shyǵys Qazaqstanda Konstıtýsııanyń 20 jyldyǵy keńinen atalyp ótedi

О́SKEMEN. 5 aqpan. Bıyl Shyǵys óńirinde Qazaqstan Respýblıkasy Konstıtýsııasynyń 20 jyldyǵyna oraı «Jeti Jarǵydan Konstıtýsııaǵa deıingi egemendi memleket» atty vedomstvoaralyq aksııa ótedi. Oǵan oblystyń barlyq deńgeıdegi prokýratýra, sot, ádilet, memlekettik qyzmet isteri jáne sybaılas jemqorlyqqa qarsy kúres agenttiginiń ókilderi men máslıhat depýtattary qatysady. Bul týraly egemen.kz tilshisi habarlady. «QR Konstıtýsııasynyń 20 jyldyǵyn merekeleýge arnalǵan mańyzdy qoǵamdyq sharalar oblys kóleminde jyl boıy ótkiziledi. Sharalardyń negizgi basymdyǵy quqyqtyq mádenıetti qalyptastyrý, memleket qyzmetinde zańnyń ústemdik etetinin nasıhattaýǵa baǵyttalady. Bul sharalarǵa óńirdegi barlyq qalalar men aýdandardaǵy jastar da, ardagerler de qatysa alady», – dedi oblys ákiminiń orynbasary Jaqsylyq Omar. Shyǵys Qazaqstan oblysynyń aqparattyq ortalyǵynda BAQ ókilderimen brıfıng ótkizgen J.Omardyń aıtýynsha, mereıtoıdyń merekelik baǵdarlamasy sheńberinde ǵylymı-tájirıbelik konferensııalar, dárister, synyp saǵattary, patrıottar forýmy, merekelik sherýler sııaqty kóptegen sharalar uıymdastyrylady. Al tamyz aıynda shyǵysqazaqstandyqtar jalpyhalyqtyq aksııa aıasynda Konstıtýsııa kúninde 16 jasqa tolǵan azamattarǵa jeke kýálikti tapsyrý saltanatyna kýá bolady. Bul shara О́skemenniń barlyq tusynan kórinip turatyn memlekettik rámizder ornalasqan Botpaı taýynda ótedi. Onda jyldaǵy dástúr boıynsha jas memlekettik qyzmetkerler de saltanatty túrde ant qabyldaıdy. Sondaı-aq «Men – Qazaqstan Respýblıkasynyń azamatymyn!» atty oblystyq flesh-mob aksııasy ótedi. Aksııa sheńberinde mektep jasyna deıingi balalar bir mezette elimizdiń Ánuranyn shyrqaıdy. Dýman Anash. Derek: egemen.kz. Sýret: Shyǵys Qazaqstan oblysynyń aqparattyq ortalyǵy.