Atalǵan fılıal elimizdegi eń úlken akademııa atanyp otyr. Ǵımarattyń jalpy aýdany 900 sharshy metr, oqýshy sany - 1000-ǵa jýyq.
«Ult uıasy – Ulytaýda sizdermen qaýyshqanyma qýanyshtymyn. Barlyǵyńyzdy akademııanyń ashylýymen shyn júrekten quttyqtaımyn. Memleket basshysy sport salasyna erekshe kóńil bólýde. Nátıjesinde, sportshylarymyz álemdik dodalarda árqashan bıikten kórinip keledi. Shahmatta bizdiń sportshylar álemdik dodalarda óte joǵary nátıje kórsetip júr. Elimizde 8 myńnan astam shahmat úıirmeleri jumys isteıdi. 270 myńnan astam bala shahmatpen aınalysady. Jansaıanyń ózi halyqaralyq grossmeıster. Álemdik arenada top jaryp, óziniń sporttaǵy jolynan bólek, balalardy sportqa baýlyp, olarǵa jol ashyp jatyr. Keleshekte osyndaı akademııalardan álemdik dodalardy baǵyndyratyn sportshylardyń ósip shyǵatynyna senimdimin», - dedi ashylý saltanatyna qatysqan Týrızm jáne sport mınıstri Erbol Myrzabosynov.
Sonymen qatar akademııanyń ashylýy aıasynda KAZAKHMYS YOUTH TEAM CHESS CUP atty alǵashqy halyqaralyq balalar komandalyq týrnıri uıymdastyryldy. Atalmysh dodaǵa Qazaqstan, Reseı, Belarýs, Qyrǵyzstan men Mońǵolııadan kelgen 100-den astam jas shahmatshy qatysty.
