Konserttik baǵdarlamada qazaq ulttyq jáne álem halyqtarynyń bıleri, zamanaýı horeografııalyq shyǵarmalar, sondaı-aq elimizdiń jetekshi horeograftarymen birlese ázirlengen eksklıýzıvti jáne jańa qoıylymdar usynyldy. Atap aıtqanda, «Toqymqaǵar», «Jeldirme», «Bylqyldaq», «Aq jaýyn», «Altynaı», «Tıbet bıi», uıǵyr jáne basqa da bıler oryndaldy.
Mádenı is-sharaǵa Qazaqstannyń halyq ártisi Seken Turysbekov, Qazaqstannyń eńbek sińirgen qaıratkeri Ardaq Balajanova, «Daryn» Memlekettik jastar syılyǵynyń laýreattary Asqar Muqııat pen Álibek Álmádıev, Mádenıet salasynyń úzdigi Baýyrjan Bekmuhanbet, «Temirlan&Yernat» dýeti, qobyzshy Oljas Qurmanbek, halyqaralyq baıqaýlardyń laýreaty Merýert Tursynbek, talantty mýzykant Nurmuhammed Cáten jáne «Gulder» ansambli qatysty.
Konserttik baǵdarlamanyń rejısseri – Dýman Ákim, ıdeıa avtory – «Gúlder» ansambliniń bas baletmeısteri Anvara Sadyqova, qoıýshy horeograftar – Almat Shamshıev, Ernur Qaryqbol, Anna Soı.
Kesh avtory Ińkár Aıdarhanqyzy búginde «Gúlder» ansambli balet trýppasynyń kóshbasshysy retinde ózin jaqsy qyrynan tanytyp keledi. Ansambldiń jańa repertýaryn jyldam meńgerip, jeke repertýaryndaǵy «Jetisýym», «Men qazaqtyń qyzymyn», «Altynaı», «Tolǵaý» bıleri kásibı óner qaıratkerleri men kórermenniń júreginde aıqyn iz qaldyrdy. Al kompozıtor Seken Turysbekovtiń «Kóńil tolqyny» kúıi negizinde qoıylǵan horeografııalyq kompozısııa shetel kórermeniniń erekshe qoldaýyna ıe boldy.
Ińkár Aıdarhanqyzy qazaq áıelderine tán ulttyq bıdi tereń ári dál oryndap, ony túsindirýde joǵary sheberligin kórsetedi. Bul – onyń oryndaýshylyq ónerindegi basty erekshelikteriniń biri. Sonymen qatar repetıtor, horeograf jáne baletmeısterdiń kómekshisi retinde de óz qabiletin tanytyp júr. Bul tájirıbe, ásirese, Astana qalasyndaǵy Jas kórermender mýzykalyq teatrynda qoıylǵan «Qyz Jibek» qoıylymynda aıqyn baıqaldy.
«Egemen-aqparat»
