Foto: kz.kursiv.media
Mınıstrdiń málimetinshe, bul jospar 2027 jylǵa qaraı tolyq júzege asyrylady. Byltyr avtojoldardy zertteý kezinde dybys deńgeıi ólshenip, ınternetsiz ýchaskeler anyqtalǵan.
«Taldaý nátıjesi boıynsha antenna-dińgek qurylystaryn qosymsha ornatý qajet 243 núkte belgilendi. 104 stansa qurylysy boıynsha saraptamanyń oń qorytyndysy alyndy», dedi Jaslan Mádıev.
Vedomstvo basshysy Qazaqstan elektromobılder men ushqyshsyz kólik naryǵyn damytý jónindegi baǵdarlamaǵa bastamashy bolatynyn da habarlady. Baǵdarlama sheńberinde elektr qozǵaltqyshy bar mashınalar úshin ınfraqurylymdy damytý men olardy satyp alý máselesi saralanady.
«Bul bizge avtonomdy avtomobılderge arnalǵan zertteýlerge, ınfraqurylymǵa jáne komponentterdi óndirý salasyna sheteldik ınvestısııalardy tartýǵa múmkindik beredi. Mysaly, BAÁ retteýshi qumsalǵysh WeRide jáne Cruise kompanııalaryna Dýbaıda pılotsyz taksılerdi synaýǵa múmkindik berdi. Bastama óz kezeginde kólikti jergilikti sıfrlandyrýdy jedeldetti. Sondaı-aq bul pılotsyz tehnologııalar salasyndaǵy jergilikti startaptardyń damýyna yqpal etedi. Atalǵan bastamalardy iske asyrý nátıjesinde Qazaqstan óńirlik tehnologııalyq hab mártebesin nyǵaıtady», dedi mınıstr.
