Foto: Instagram/gulmir_ktk
Áleýmettik jelide taraǵan aqparattarǵa sáıkes, 9-synyp oqýshysyn synyptastary Qonaevtaǵy kópirdiń astynda uryp-soqqan, sońynan ol jansaqtaý bólimine túsken.
Anyqtalǵandaı, bala aýrýhanaǵa tústi, biraq basqa sebeppen.
«31 qańtarda kámeletke tolmaǵan ulym jergilikti aýrýhanaǵa jetkizildi. Alaıda, ony qalaǵa kire beristegi kópirdiń astynda eshkim urǵan joq», dedi áıel óziniń vıdeo úndeýinde.
Qonaev qalasy ákimdiginiń habarlaýynsha, bala antıseptıkalyq ýlanýmen aýrýhanaǵa túsken. Onyń jaǵdaıy turaqtandy. Polısııa sýısıdke ıtermeleý faktisi boıynsha qylmystyq is qozǵady.
«Mektep ákimshiliginiń aıtýynsha, óz-ózine qol jumsamaq bolǵan oqýshy oqý ozaty jáne dostarynyń qurmetine ıe», dep qosty qala ákimshiligi.
Aıta keteıik, tekseris barysynda Qonaevtaǵy kópir astynda birde-bir toptyq tóbeles tirkelmegeni anyqtaldy.
