“ARAI” AÝYLDY AJARLANDYRA TÚSEDI

Qazaqstandaǵy iri ınvestor “Lýkoıl” munaı kompanııasy bıyl tórtinshi ret Mańǵystaý obly­sy­nyń aýyl eńbekkerlerine qaıta­rymsyz granttar bóldi. Mańǵystaý oblysy boıynsha sońǵy tórt jylda júzege asa bas­taǵan bul ıgi shara negizinen aýyl adamdarynyń orta jáne shaǵyn bıznesin damytýǵa baǵyt­talǵan. Jáne de bir qýanyshtysy ol óz je­misin berip te keledi. Sony baǵ­darlaǵan “Lýkoıl” munaı kompa­nııasy jyl saıynǵy grant­tar sa­nyn kóbeıtip otyr. Bul ret­te tórt jyl ishinde 142 kásipker grantqa ıe bolyp, 211 jańa jumys orny ashylǵandyǵyn atap aıtqan jón. “Araı” granttarynyń deni oral­mandarǵa, kóp balaly otbasy­laryna jáne múgedek jandarǵa usynylyp, jobalary jan-jaqty saralanyp otyrady. Olardyń jyl saıynǵy usynys-jobalarynyń san alýandyǵy da kóńil qýantady. Osy oraıda sońǵy tapsyrystarda aýyldyń áleýmettik áleýetin kó­terýge baǵyttalǵan jobalar kóp kez­desti. Bul saıyp kelgende aı­maq­taǵy altyn besik aýyldyń ir­gesin bekite túsýge ıgi yqpal etýde. Nátıjesinde Mańǵystaý óńiriniń turǵyndary aýyldan qalaǵa qonys aýdarý boıynsha elimizdegi eń soń­ǵy orynǵa shyǵýy dálel. Bul ıgi­likti bastama oblys ákimdiginiń já­ne oblystaǵy azamattyq alıans­tyń uıymdastyrýymen jú­zege asqandy­ǵy da quptarlyq, Al­ıans prezı­denti J. Mahambetova men “Lý­koıl” kompanııasynyń oblystaǵy ókili E. Kúmisqalıdyń aıtýynsha, aýyldaǵy áleýmettik qyzmetke, sa­lamatty ómir saltyn qalyptas­tyrýǵa, densaýlyq pen sportty damytý salalaryna kó­birek kóńil bólinbekshi. Kezekti granttar tapsyrýǵa arnalǵan sal­ta­natta ótken jyldarda berilgen qarajat boıynsha atqarylǵan jumystyń jemisin kórsetetin kórmeniń uıymdastyrylýy da sonyń aıǵaǵy. Ondaǵy buıymdar, ónimder, qural-jabdyqtar birden nazar aýdartty. Mysaly, Taýshyq aýylynan kelgen jeke kásipker N. Orynbasarqyzy “Araı” áleýmet­tik baǵdarlama­synyń nátıjesinde qazaqtyń kıiz úı jabdyqtary: ir­ge­lik, ýyq baý, dódege júzik, tún­dikpen qatar shym oraýly shı, eshkiniń qylynan ıi­rilgen túrli jipti jaıyp salypty. Osy qadirli mamandyqqa eki ul men kelinderin de tartyp otyrǵandyǵyn kásipker maqtanyshpen aıtty. Al, aqshu­qyr­lyq E. Álıevtiń “Mádenı mu­ra” baǵdarlamasyna oraı oblys­tyq tarıhı murajaıdan umytyla bastaǵan ulttyq ydys-aıaq, qural-jabdyqtardy, ıaǵnı sırek kezde­setin jádigerlerdi alyp onyń kó­shirmelerin jas urpaqqa jarııa etýi quptarlyq is eken. О́negeli istiń aıǵaǵyndaı osy jerde me­saıaq, tuzbaspaq, shaı sandyq pen aqbas er tárizdi kóz jaýyn alar jádi­gerler menmundalaıdy. Aýy­lynda shaǵyn kásip ashyp, túrli buıymdar jasaıtyn túpqaraǵan­dyq B.Rama­zanovany, sheber shash­taraz A.Súıe­genovany, sondaı-aq sport zalda­rynyń, gazben dáne­kerleý se­hynyń, ulttyq kıimder sheberhana­synyń jumysyn jolǵa qoıǵan isker jandardyń qyz­metteri kóp kóńilinen shyqty. Bul kórmeden “Araı” áleýmet­tik jobasy arqyly óńirde umy­tyla bastaǵan keıbir mamandyq­tardyń da jandana bastaýynyń kýási boldyq. Kórme zalynda Túpqaraǵan aýdanynyń Taýshyq aýylynda óz isin dóńgeletip otyr­ǵan kásipker M.Adyrov óziniń ba­lyq aýlaý sha­rýashylyǵyn qurǵan edi. Budan eki-úsh jyl buryn qa­rapaıym ǵana qu­ral-jabdyqtar­men kásibin bas­ta­ǵanda sharýasy onsha shalqı qoıǵan joq bolatyn. Ýaqyt óte kele atalmysh joba arqasynda motorly qaıyq, qýatty tońazytqysh, basqa da zamanaýı qural-jabdyqtarǵa qol jetkizip, endi jemisin kórip otyr. Ba­lyq­shynyń sý túbinen súzgen ónim­deri úlken suranysqa ıe. Sony­men birge tabıǵaty qatal, sýy tapshy bul óńirde kókónis, baý-baqsha ósirýshiler sany da kóbeıe túskeni ańǵarylady. Sóıtip bıyl “Araı-2010 ál­eýmettik seriktestik” jobasynyń jeńimpazdaryna granttar, sertı­fıkattar tabystaý rásimi de sal­tanatty jaǵdaıda bastaldy. Bıyl baıqaýǵa 300-ge jýyq úmitker qatysypty. Olardyń ishinen eń úz­dikter dep tanylǵan 62 adam grant­qa ıe boldy. Atalǵan grant­tardy oblys ákimi Q.Kósherbaev, “Lý­koıl” munaı kompanııasynyń Qa­zaqstan Respýblıkasyndaǵy ókil­di­giniń basshysy A.Kırılov salta­nat­ty jaǵdaıda tabys etti. Aýyldy odan ári kórkeıtip, gúl­dendire túsýlerine sáttilik tiledi. Sóıtip, osy jyly atalmysh áleý­mettik joba boıynsha barlyq aýdandaǵy aýyldarda derlik 13 tigin sehy, 5 sheberhana, 7 naý­baıhana, kondıter sehy, avtokólik jóndeıtin orta­lyq­tar, gazben dá­nekerleý sheber­hanalary, kóptegen jylyjaılar ashylatyn boldy. Iаǵnı “Lýkoıl” munaı kompanııa­synyń “Araı” áleýmettik jobasy aýyldy budan da ajarlandyra túsip, kórkeıtpek. Jolaman BOShALAQ, Mańǵystaý oblysy.