NASA Iýpıterdiń jer seriginen ómir belgisin izdeýdi qolǵa aldy

ASTANA. 18 maýsym. Kelesi onjyldyqta AQSh-tyń NASA ǵarysh agenttigi Iýpıterdiń eń ataqty serigi – Eýropaǵa ushatyn qurylǵy jibermek. Bul týraly NASA-nyń resmı saıtyna silteme jasaǵan lifenews.ru habarlady. Agenttik saıtynyń habarlaýynsha, ǵaryshtyń mindeti qarapaıym, ol – ǵalamshardan ómir belgisin izdep tabýǵa talpyný. Eýropa ǵalamsharynyń basty ereksheligi – onyń beti kóp shaqyrymdyq muz qabatymen jabylǵan. Al, bul qalyń muzdyń astynda jerdegiden eki ese úlken sheksiz muhıt sozylyp jatyr. Osy derekterge Galıleo dep atalatyn aýqymdy zertteý barysynda qol jetkizilgen edi. Atalǵan zertteý jumystary ótken ǵasyrdyń 90-jyldary bastaý aldy. Sýdyń tuzben baıytylǵany, túbinde tastyń bar ekendigi, tolqynnan týar jylý men qýattyń belgisi rastalsa, bul muhıt qarapaıym aǵzalardyń ómir súrýine jaramdy bolýy ábden múmkin. Kelesi ǵarysh tapsyrmasy biraz ýaqyttan beri daıyndalyp keledi. Osyǵan oraı zertteý qurylǵysy 2020-jyldary-aq Iýpıter serigine jiberiledi dep kútilýde. Ǵarysh qurylǵysy ǵalamshar betine 45 ret ushyrylady dep josparlanyp otyr. Ushý kezinde qurylǵy basqarý ortalyǵyna sapaly fotosýretter, sonymen qatar, betki qabattyń qurylymy týraly málimetterdi taratady. Elaman Qońyr. Derek, sýret: lifenews.kz.