Foto: olympic.kz
Baqtııar Artaevtyń aıtýynsha, «Tarlan» boks keshenin memlekettiń balansyna alý josparlanǵan. Eger osy jumys oıdaǵydaı aıaqtalsa, bokstan Olımpıada oıyndarynyń júldegeri Qamshybek Qońqabaev jumysqa qabyldanady.
«Boks keshenin memlekettiń balansyna alsaq, Syr óńiriniń maqtanyshy Qamshybek Qońqabaevty jumysqa qabyldaımyz. Sonymen qatar, Tursynbaı Qulahmet sekildi jas mamandardy da shákirt tárbıeleý jumysyna tartyp jatyrmyz. О́ńirde boksty damytýǵa barynsha kóńil bólinip keledi. О́zderińizge belgili, jýyrda 81 keli salmaq dárejesinde Azamat Bektas el chempıony atandy. Osyndaı chempıondardy daıyndaý jumystaryn odan ári jandandyramyz », dedi Baqtııar Artaev.
Esterińizge sala keteıik, jyl basynda boksshy Qamshybek Qońqabaevtyń sporttaǵy mansabyn aıaqtaǵany aıtylǵan edi. 91 keliden joǵary salmaqta judyryqtasqan ol Olımpıadadan bólek, eki ret álem chempıonatynyń (2017, 2019), úsh ret Azııa chempıonatynyń kúmis júldegeri (2017, 2019, 2021) atandy.
