О́ńirdiń tynys-tirshiligimen tanysty

Ákimdiktiń málimeti boıynsha, búginde 29 km jylý jelisi jáne 330 km elektr jelisi rekonstrýksııalandy. Qazandyqtar jóndelip, 50 elektr transformatorlary aýystyryldy.

Keńes barysynda tek je­li­lerdiń ǵana emes, elektr pods­tansalarynyń qurylysy da Ulttyq jobaǵa engizilýi usy­nylyp, maquldandy. Osy­laısha, Shymkentte 400 km-den astam eskirgen elektr jelilerin aýys­tyrý jáne qýaty 125 MVt bolatyn jańa «Qyzylsý» elektr podstansasynyń qurylysy qarastyrylyp jatyr.

Vıse-premer ákimshilik-iskerlik ortalyqtaǵy qazandyq jumysyn tekserdi. Qazandyq qalanyń 10%-yn jylýmen jáne ystyq sýmen qamtamasyz etip otyr. Jergilikti bılik 2027 jylǵa deıin qoldanystaǵy 5 qazandyqqa qosa jalpy qýaty 120 Gkal bolatyn 4 qazandyq ornatýdy jos­parlap otyr, bul qalaǵa jylý berý kólemin 20%-ǵa arttyrady.

Buǵan qosa, Qanat Bozym­baev qalany 70% jylý jáne 30% elektr energııamen qam­tamasyz ete­tin óńirdegi jal­ǵyz TES-3 stan­sasyn aralady. TES-3-tiń qa­laǵa deıingi jylý jelisiniń jal­py uzyndyǵy 60 km-ge jýyq, al onyń 90%-y toz­ǵan. Osyǵan baı­la­nys­ty, Ulttyq jobaǵa osy jy­lý je­­li­le­ri­niń 17 shaqyrymyn re­konstrýk­sııalaýǵa qosý týraly sheshim qabyldandy.

Sonymen qatar vıse-premer qýaty 40 MVt bolatyn «Dendropark» elektr podstan­sııasynyń jumysymen tanys­ty. Ákimdiktiń málimetinshe, joba 2024 jyly «Tarıfti ınves­tısııaǵa aıyrbastaý» ınves­tısııalyq baǵdarlamasy aıasynda bıýdjettik qarajatsyz iske asy­ryldy. Elektr podstansasy jańa turǵyn aýdandardy sapa­ly elektr energııasymen qam­ta­masyz etýge múmkindik beredi.  Jalpy, Shymkentte Ultt­yq joba  «Dendropark» elektr podstansa­synyń úlgisine saı bıýd­jettik qarajatsyz júzege asady.

Jumys sapary barysynda Qanat Bozymbaev Shymkent qalasynyń TJD «Kóktem-2025» respýblıkalyq komandalyq-shtabtyq oqý-jattyǵýymen tanysyp, Badam ózenindegi jaǵa­laýdy qorǵaý bógetterin tekser­di. Alty eldi mekennen ótetin ózende arnany túzetý boıyn­sha ınjenerlik qurylys jumys­tary júrgizilgen.